Jeremias 6:10 - Maung A Balita Biblia

¹⁰ Inmebat ak, “Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

Maung a Balita Biblia

¹⁰ Inmebat ak, Siopay ondengel ed siak, no misalita ak ed sikara tan pasakbayan ko ra? Pinepepetan da ray kalayagan da, tan ag ira ondengel ed saray salitam. Elek-elekan da labat so paibabagam ed siak.

Jeremias 6:10 Iomraidhean Croise

Saray Salmo 1:2

Ingen, maliket a mangoonur na Ganggan na Katawan, tan agew-labi ton dadalepdepen.

Saray Salmo 119:16

Panliliketan ko ray ganggan mo; ag ko lingwanan iray ganggan mo.

Saray Salmo 119:174

Pampilpilalekan koy manangilaban a tulong mo, Katawan! Panliliketan koy ganggan mo.

Saray Salmo 119:24

Saray bilibilin mo paliliketen da ak, sikaray manisimbawad siak.

Saray Salmo 119:35

Pansiansia mo ak pan matoluk ed saray ganggan mo, ta pakalmoan ko ray liket.

Saray Salmo 119:70

Ag makatalus ira yan totoo, balet panliliketan koy ganggan mo.

Saray Salmo 119:77

Kasian mo ak pa, et mambilay ak, ta makaliliket ak ed ganggan mo.

Saray Salmo 40:8

Agaylay liket kon mangoonur na linawam, O Dios ko! Yaatul kod pusok so bangat mo.”

Exodo 6:12

Balet inmebat si Moises, “Panoy idengel ed siak na ari, anta ag ak dengelen na anggan saray Israelita? Makapoy ak ni met a mansalita.”

Isaias 42:20

Israel, amayamay so nanenengneng mo, balet anggapoy walad sika. Akalokas iray layag mo, balet anggapoy narerengel mo.”

Isaias 53:1

Onebat iray totoo, “Siopa kasiy anisia ed ibabalita mi natan? Siopa kasiy akabirbir ed pakapanyari na Katawan ed sayan agawa?

Jeremias 4:4

Toor yoy impisipanan yod siak a Katawan yo, tan isaklang yoy sikayon dili ed siak, sikayo ran totood Juda tan Jerusalem. No ag yo tooren, ondalang a singa apoy so pasnuk ko, lapud saray kaogsan a ginawa yo. Ondalang, et anggapoy makaerep.”

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Jeremias 7:13

Ginagawa yo ra yay kasalanan a binitlak. Anggaman ya akisalita ak ed sikayon amimpiga-piga, ag kayo dinmengel. Ag kayo inmebat nen tinawag ta kayo.

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.

Ezekiel 3:7

Balet anggapod saray totood Israel so ondengel ed sika; ag da ak anggan dengelen. Anawet so olo tan puso ran amin.

Ezekiel 33:3

No nanengneng ton ondadago ray kalaban, paknulen toy trumpita a pamasakbay tod balang sakey a too.

Ezekiel 33:9

No pasakbayan moy sakey a toon maoges, et ag ontondan mankasalanan, sikatoy ompatey a makasalanan, balet nilaban moy bilay mo.”

Amos 7:10

Diad saman say pari ed Betel, a si Amasias, kuantod kinen Ari Jeroboam na Israel: “Kokompluten nen Amos iray totoo ya onsumpad sika. Naderal so bansa lapud saray ipupulong to.

Mateo 3:7

Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, “Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Lucas 11:45

Walay sakey ed saray makabat ed Ganggan a nankuan, “Maistro, diad satay panagsalitam, papabaingan mo kami met!”

Lucas 20:19

Saray iskriba tan saray manonan papari ginetma ran erelen si Jesus ed saman a bekta, lapud amta ran sikaray papasikian tod sayan alimbawa. Balet ag da ya nagawaan, ta antakot da ray totoo.

Juan 7:7

Ag kayo nayarin bosulen na sankamundoan balet bosulen to ak, lapud papaneknekan kon maoges iray gawa to.

Juan 9:40

Nadngel na pigaran Pariseo si Jesus nen imbaga to ya, kanyan tinepet dad sikato, “Say labay mon ibaga, bulag kami met sirin?”

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Saray Gawgawa 7:60

Tinmalimukor tan ineyag toy makmaksil, “Katawan, ag mo pa la ipapakasalanan ed sikara yan ginawa ra!” Kapangibaga tod saya, inatey.

Saray Taga Roma 7:22

Diad otel na pusok, malikeliket ak ed ganggay Dios.

Deuteronomio 29:4

Balet anggad natan ag to ni impatalus ed sikayo so kabaliksan na saraman ya asalsali yo.

COLOSAS 1:28

Kanyan ipupulong miy Cristo ed amin a katoowan. Diad anggaay walan kakabatan mi, sisimbawaen tan babangatan miy amin a katoowan, pian say balang sakey niarap mi ya anggapoy pakabalawan ed sikato diad arap na Dios, lapud pikakasakey ed Cristo.

2 Timoteo 4:3

Ta onsabiy panaon a saray totoo et ag da naanosan a dengelen so tuan bangat, no ag ta onuren da lay labay da, tan mangala ra na saray bumabangat ya anggapoy arum ya ibangat da no ag saray labalabay dan dengelen.

Saray Hebreo 11:7

Lapud pananisia, dinengel nen Noe so pasakbay na Dios nipaakar ed saray nagawan ag to ni nanengneng. Tinmoluk ed Dios; nanggaway sakey a biong, pian nilaban tan say pamilya to. Lapud saya, sinintinsiaan ton nadusay sankamundoan, tan say Dios impasen ton matonung si Noe lapud pananisia to.