Jeremias 52:8 - Maung A Balita Biblia

⁸ Balet saray sondalon taga Babilonia inosilan day Ari Sedekias tan narel da diad saray patar ya asingger ed Jerico, tan imbatikan na saray amin a sondalo to.

Maung a Balita Biblia

⁸ Balet saray sondalon taga Babilonia inosilan day Ari Sedekias tan narel da diad saray patar ya asingger ed Jerico, tan imbatikan na saray amin a sondalo to.

Jeremias 52:8 Iomraidhean Croise

Jeremias 21:7

Balet sika, saray opisyal mo, tan saray totoon ag inatey ed bakal, eras, tan salot et ipadakep ta kayon amin ed Ari Nabucodonosor tan saray kalaban yo a malabay a mamatey ed sikayo. Papatey to kayo nen Nabucodonosor. Anggapoy ikera tod sikayo; ag to kasian odino abageyen so siopaman ed sikayo. Siak, say Katawan, so nansalita.”

Jeremias 32:4

tan ag makabatik si Ari Sedekias. Niawat ed ari na Babilonia; napilupaan to tan napitongtongan ton dili.

Jeremias 34:21

Ipadakep ko met si Ari Sedekias na Juda tan saray opisyal to ed saray malabay a mamatey ed sikara. Ipadakep ko rad saray sondalo na Babilonia a tinmonda la ran ondodogpa ed sikayo.

Jeremias 37:17

Insan impaawit ak nen Ari Sedekias, tan maamut ton tinepet ed siak diman ed palasio, “Walay papaibaga na Katawan?” Inmebat ak, “Wala! Nipalima kad ari na Babilonia.”

Jeremias 37:18

Insan tinepet ko, “Antoy kasalanan kod sika, odino diad saray opisyal mo, odino diad saray totoom a makasengeg na pangipiprisoan mod siak?

Jeremias 38:23

Insan inkuanko ni, “Amin da ray bibii tan saray anak mo et nipaway iran niakar ed saray taga Babilonia, tan ag mo ra nibatikan. Nadakep ka na ari na Babilonia, tan napoolan yan siudad.”

Jeremias 39:5

Balet inosilan ira na saray sondalo na Babilonia, tan adakep day Sedekias ed saray patar ya asingger ed Jerico. Inyakar day Sedekias ed kinen Ari Nabucodonosor a walad siudad na Ribla diad dalin na Hamat, tan diman sinintinsiaan nen Nabucodonosor.