Jeremias 51:8 - Maung A Balita Biblia

⁸ Biglan atalo so Babilonia, tan aderal! Ermenan yo! Iyalaan yoy tambal, ta ag la pigan onabig.

Maung a Balita Biblia

⁸ Biglan atalo so Babilonia, tan aderal! Ermenan yo! Iyalaan yoy tambal, ta ag la pigan onabig.

Jeremias 51:8 Iomraidhean Croise

Isaias 21:9

Kabebekta nitan la ray lalaki, akakabayo ra tan sanderwa ran nanoolup. Imbawag na samay guardia, “Atalo lay Babilonia! Walad dalin tan atemektemek iray amin a talintaoy diriyos a gagalangen da.”

Isaias 47:11

Onsabid sikay deral, et anggapoy salamangkam a makapatondad saya. Biglan onsabid sikay desyang— say desyang ya ag mon balut inilaloan!

Isaias 47:9

Balet diad sakey a bekta, diad sakey ya agew, nagawa ra yan dua ed sika. Anggan antoy panggawam na amin a salamangka, nabalang moy asawam tan saray anak mo.

Jeremias 46:11

Totood Egipto, laka yod Galaad, ta mangala kayoy tambal! Asali lan anggapoy kana iray tambal yo; anggapoy bengatlan makapaabig ed sikayo.

Jeremias 48:20

‘Naplag la so Moab,’ so iyebat da, ‘nangisan yo; napelag lad kababaingan. Ibawag yod gilig na Ilog na Arnon ya aderal la so Moab!’

Jeremias 48:31

Kanyan nangisan kon amin iray taga Moab tan saray totood Kireres.

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Jeremias 51:41

Say Katawan kuanto nipaakar ed Babilonia: “Adakep la so Babilonia, say siudad ya idadayew na intiron mundo! Makapasinagem a nengnengen na saray bansa so nagmaliwan na Babilonia!

Jeremias 8:22

Anggapo ta lay tambal ed Galaad? Anggapo ta lad may doktor? Akin et ag naabigan iray totood bansak?

Ezekiel 30:2

Inkuanto, “Sika a toon ompatey, mampropisiya ka tan ibawag mo so ibabagak, siak a Katawan a Dios. Nepeg mon ikulyaot ira yan salita: Onsasabi lay agew a makapataktakot!

Daniel 5:24

Sikara yay makasengeg no akin et imbaki na Dios imay lima ya angisulat na sarayan salita.

Daniel 5:31

si Dario a taga Media, tan mantaon ed saman na anemaplo tan dua, et sinamsam to so pakaoley na ari.

Nahum 3:19

Anggapo lay panambal ed saray sugat mo, tan ag la ra naabigan. Mantipak ed liket iray amin a makarengel ed balitan nipaakar ed inkaderal mo. Wala tay akapaliis ed ag manganggan inkaruksam?

Puyan 14:8

Tinmombuk so kumadwan anghil ya inkuanto, “Apaktak la! Apaktak lay Babilonia a makapanyari! Initdan toy alak iray amin a katoowan tan impasoot ton inomen da—say alak na kasalanan ton maoges a pilalek na laman!”

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.