Jeremias 51:64 - Maung A Balita Biblia

⁶⁴ tan ikuanmo, ‘Onyay nagawa ed Babilonia—onlereg tan ag lan balut makaimwas, lapud deral ya iyakar dia na Katawan.’” Dia mansasamput iray salita nen Jeremias.

Maung a Balita Biblia

⁶⁴ tan ikuanmo, Onyay nagawa ed Babiloniaonlereg tan ag lan balut makaimwas, lapud deral ya iyakar dia na Katawan. Dia mansasamput iray salita nen Jeremias.

Jeremias 51:64 Iomraidhean Croise

Say Libro nen Job 31:40

aliwan say trigo tan say sibada komun so ontubo, no ag ingen saray dika tan saray kasabitan.” Dia nansamput iray salita nen Job.

Saray Salmo 72:20

Sikato yay samput na saray pikakasi nen David a lakin anak nen Jesse.

Saray Salmo 76:12

papaabebaen to ray mapaatagey a prinsipi, tan tataktakoten to ray arari diad tapew na dalin.

Isaias 47:13

Mapagpaga ka anggaman ya amayamay iray simbawad sika. Pamparontal mo la natan iray astrologom ta ilaban da ka— saray totoon aaralen day kiwas da ray bitewen, saray totoon mangipapasen na ketegan da ray katawenan tan ibabaga rad sikan binulan no antoy nagawad sika.

Jeremias 13:4

“Lakad Ilog na Eufrates ta iyamut mod abut diad saray baton-dampay imay potut a pantalon.”

Jeremias 19:10

Insan imbagad siak na Katawan ya ibetag kod arap na saray totoon akilad siak imay banga,

Jeremias 25:27

Insan inkuan ed siak na Katawan, “Ibagam ed saray totoo a siak, say Katawan a Makapanyarin-amin a Dios na Israel, igaganggan ko ra ya oninom a anggad nabuwek-buwek ira tan manota-ota ra, anggad natumba ra tan ag ira la makabangon lapu ed bakal ya ipadalan kod sikara.

Jeremias 51:42

Sinmapat ed Babilonia so danum na dayat, tan tinabunan to na manungol iran daluyon.

Jeremias 51:58

Nageba ya anggad dalin iray makapal a padir na Babilonia, tan napoolan iray atatagey iran puirta to. Magmaliw ya andi-kakanaan ya amin iray kimey da ray totood saray bansa, tetemeken na apoy ya amin iray nansagpotan da. Siak, say Katawan a Makapanyarin-amin, so nansalita.”

Jeremias 9:5

Papalikdoen na amin iray kakaaro ra, tan anggapoy mangibabagay katwaan; impasal dan mantila iray dila ra tan ag da tondaay mankasalanan. Mantotombukan lay inkaruksa a gagawaen da, tan say pampapalikdo ra. Ibabaga na Katawan a sikatoy ipopolisay na saray totoo to.

Ezekiel 28:19

Naandipat ka la ya anggad angga; amin a bansan akaamtad nansumpalan mo et ataktakot ira; natatakot ira, ompan nadamay irad makapasinagem a nansumpalan mo.”

Habacuc 2:13

Andi-kakanaan so nansasagputan na saray bansan dinadakep yo, tan natetemek ed apoy iray impapaalagey da. Say Katawan a Makapanyarin-amin so nanggawad saya.

Puyan 14:8

Tinmombuk so kumadwan anghil ya inkuanto, “Apaktak la! Apaktak lay Babilonia a makapanyari! Initdan toy alak iray amin a katoowan tan impasoot ton inomen da—say alak na kasalanan ton maoges a pilalek na laman!”

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!