Jeremias 51:6 - Maung A Balita Biblia

⁶ Ibatikan yoy Babilonia! Batik kayo diad pangilaban yod bilay yo! Ag kayo papapatey, lapud kasalanan na Babilonia. Ombabawi ak la natan tan dudusaen ko onung na kanepegan to.

Maung a Balita Biblia

⁶ Ibatikan yoy Babilonia! Batik kayo diad pangilaban yod bilay yo! Ag kayo papapatey, lapud kasalanan na Babilonia. Ombabawi ak la natan tan dudusaen ko onung na kanepegan to.

Jeremias 51:6 Iomraidhean Croise

Saray Salmo 94:1

Katawan, sika so Dios a manudusa; ipanengneng mo pay pasnuk mo!

Probirbio 13:20

Miolup kad saray makabat et magmaliw kan makabat. No mikaarod kad saray makulang-kulang naderal ka.

Isaias 48:20

Paway kayod Babilonia, taynanan yo man a pasen! Maliket yon ibawag so balita; ipaamta yod amin a pasen: “Dinondon la na Katawan so aripen ton Israel!”

Isaias 63:4

Ginetmak a sinmabi lay panaon na pangilaban kod saray totook; panaon la a panusa ed saray kalaban da.

Jeremias 25:14

Pambayaren ko ray taga Babilonia lapud saray ginagawa ra, et amayamay a bansa tan matalonggaring ya arari so mangaripen ed sikara.’”

Jeremias 25:16

No inomen da, mandongilngil ira tan naderal so olo ra lapud bakal a padalanen kod sikara.”

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Jeremias 46:10

Sikato yay agew na Katawan a Dios a Makapanyarin-amin: ombawi natad sayan agew; dusaen to ray kalaban to natad sayan agew. Kanen ira na ispada to ya anggad napsel; inomen toy dala ra ya anggad apenek. Ibagat natad sayan agew na Makapanyarin-amin iray kalaban ton inaatey diad baybay ya asingger ed Eufrates.

Jeremias 48:6

‘Ganatan yo, iyagel yoy bilay yo!’ kuanda. ‘Batik kayon singa asnod kalawakan!’

Jeremias 50:15

Diad kaliber-liber to eyag kayoy para bakal sumpad sikato. Sinmuko la so Babilonia. Ageba tan alooban la ray padir to. Siak, so ombabawi ed saray taga Babilonia. Kanyan bawi kayod sikara, tan gawa yod sikaray singa ginawa rad arum.

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Jeremias 50:31

“Babilonia, sumpa ak ed sika, siak a Katawan a Makapanyarin-amin a Dios, lapud mapaatagey ka. Sinmabi lay panaon a panusak ed sika.

Jeremias 50:8

“Totood Israel, ibatikan yoy Babilonia! Taynan yo la tan a bansa! Sikayoy ononan ontaynan!

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, “Tareman yo ray pana yo! Iparaan yo ray samper yo!

Jeremias 51:36

Kanyan say Katawan kuantod saray taga Jerusalem, “Iyalageyan ta kayo, tan ibawian ta kayod saray kalaban yo, lapud saray ginagawa dad sikayo. Paekaten koy sobul na danum na Babilonia, tan paekaten ko ray ilog to.

Jeremias 51:45

Totoon taga Israel, ibatikan yo la so Babilonia! Ibatikan yoy ontan lan pasnuk ko diad pangyagel yod bilay yo.

Jeremias 51:50

Say Katawan kuantod saray totoo ton walad Babilonia: “Apaliisan yoy patey! Laki la natan! Ag kayo la manaabala! Anggaman ya arawdawi kayod bansa yo, nudnunot yo ak a Katawan yo, tan say Jerusalem.

Jeremias 51:56

Sinmabi ran maneral ed Babilonia; adakep iray sondalo na Babilonia, tan apoter-poter iray pana ra. Siak so Dios a manudusad kaogsan, tan dusaen ko so Babilonia onung ed kanepegan to.

Jeremias 51:9

Saray taga arum a bansan manaayam diman kuanda, ‘Sinali min tutulongan so Babilonia, balet anggapo lay nagawaan mi. Taynanan ti la, ta ompawil ti lad dilin bansa tayo. Dinusa na Dios ed anggaay pakayari to so Babilonia tan dineral ton sigput.’”

Saray Tagleey 3:64

“Dusam pa ra, O Katawan, lapud saray ginawa ra;

Saray Bilang 16:26

Inkuanen Moises ed saray totoo, “Arawian yo ray tulda na sarayan maoges a totoo tan ag yo didiwiten so antokaman a kayaryan da. Ta no diwiten yo, nakaiba yo ran naandipat lapud saray amin a kasalanan da.”

Deuteronomio 32:25

Dakel iray ompatey ed daladalan lapud bakal; onsabiy takot ed dalem na kaabungan. Ompatey iray tobun-balon lalaki tan bibii; ag makapaliis ed patey iray mansusoson ogogaw tan saray mamasiken.

Deuteronomio 32:41

ya iyobul koy mankidiam ya ispadak tan ipakurang kon ipakurang so katonungan. Ombawi ak ed saray kalaban ko tan dusaen ko ray mamosul ed siak.

Deuteronomio 32:43

“Sikayo ran bansa, nepeg yon idayew iray totoo na Katawan— dusaen to ray mamatey ed sikara. Ombawid saray kalaban to tan pirdonaen to ray kasalanan da ray totoo to.”

1 Timoteo 5:22

Ag ka maganat a mangitapew na limam a pangiter mod siopaman na pakayarin mangipangulod kimey ed iglisia. Ag ka mibibiang ed kasalanay arum. Mansiansia kan ag namansaay kasalanan.

Puyan 16:19

Nankatlon apisag so makapanyarin siudad, tan nagnagba ray amin a siudad ed intiron mundo. Ag akaliktar ed dusay Dios so makapanyarin Babilonia. Anunotan na Dios so Babilonia, tan pinainom to na alak, say alak na ontan lan pasnuk to.