Jeremias 51:56 - Maung A Balita Biblia

⁵⁶ Sinmabi ran maneral ed Babilonia; adakep iray sondalo na Babilonia, tan apoter-poter iray pana ra. Siak so Dios a manudusad kaogsan, tan dusaen ko so Babilonia onung ed kanepegan to.

Maung a Balita Biblia

⁵⁶ Sinmabi ran maneral ed Babilonia; adakep iray sondalo na Babilonia, tan apoter-poter iray pana ra. Siak so Dios a manudusad kaogsan tan dusaen ko so Babilonia onung ed kanepegan to.

Jeremias 51:56 Iomraidhean Croise

Genesis 49:24

Balet mansiasiansian mabiskeg so pana to, Tan napapabiskeg iray taklay to Diad panamegley na pakayari na Makapanyarin Dios nen Jacob. Napapabiskeg na Managpastol, say Manangyagel ed Israel.

Saray Salmo 137:8

Babilonia, naderal ka! Maliket so too ya ombawid sika lapud ginagawam ed sikami—

Saray Salmo 37:15

balet nadoyuk ira na saray dilin ispada ra, tan napoter-poter iray pana ra.

Saray Salmo 46:9

Patotondaen to ray bakal ed intiron mundo; popoteren to ray pana, dederalen to ray pika, tan popoolan to ray samper.

Saray Salmo 76:3

Diman to pinoter iray pana da ray kalaban, saray samper tan saray ispada ra, tan amin ya armas dan para bakal.

Isaias 21:2

Nipasingayew ed siak so nipaakar ed saray maruksan nagawa a nipaakar ed panagtraidor tan panagderal. Sondalo na Elam, dogpa kayo! Sondalo na Media, looban yo ray siudad! Panganggaen la na Dios so panamairap na Babilonia.

Isaias 34:8

Sikato yay panaon na pangyagel na Katawan ed Sion tan ibawi tod saray kalaban to.

Isaias 35:4

Ibaga yod balang sakey a toon nakalay biskeg na linawa, “Mampabiskeg kayo tan ag kayo natatakot! Onsasabiy Dios a mangyagel ed sikayo; onsasabin manusad saray kalaban yo.”

Isaias 59:18

Dusaen to ray kalaban to onung ed saray ginawa ra, pati saray manaayam ed saray arawin dalin.

Jeremias 49:35

Inkuanto, “Pateyen kon amin iray pumapana a ginawa ran makapanyarin maung so Elam.

Jeremias 50:10

Nasamsaman so Babilonia, tan alaen day amin a labalabay da iray mansamsam. Siak, say Katawan, so nansalita.”

Jeremias 50:36

Patey ed saray matitila ton propita— agaylay inkakulang-kulang da! Patey ed saray sondalo to— agaylay inkataktakot da!

Jeremias 51:24

Say Katawan kuanto, “Naimatunan yoy paningil kod Babilonia tan saray totoo to, lapud amin a kaogsan a ginagawa ra ed Jerusalem.

Jeremias 51:30

Tinondaan la na saray sondalo na Babilonia so mibakal tan nanayam la rad tirinsira ra. Nakalan iray biskeg na linawa, tan nagmaliw iran singa bibii. Ageba ray puirta na siudad tan apoolan iray kaabungan.

Jeremias 51:48

Oneyag ed liket ya amin iray bengatlan walad tawen tan diad dalin no say Babilonia et napelag ed lima da ray totoon manlapud baybay a maneral.

Jeremias 51:53

Anggan makasegep ed tawen so Babilonia, tan manggawad may mabiskeg a tirinsira, siansian mangibaki ak na saray totoon maneral ed sikato. Siak, say Katawan, so nansalita.”

Jeremias 51:6

Ibatikan yoy Babilonia! Batik kayo diad pangilaban yod bilay yo! Ag kayo papapatey, lapud kasalanan na Babilonia. Ombabawi ak la natan tan dudusaen ko onung na kanepegan to.

Saray Tagleey 3:64

“Dusam pa ra, O Katawan, lapud saray ginawa ra;

Ezekiel 39:3

Kayari to ya, paspasen kon ipelag so bekang na pana ed kawigin lima to tan saray balay pana ed kawanan a lima to.

Ezekiel 39:9

Saray totoon manaayam ed saray siudad na Israel et ompaway ira tan tiponen dan intongo iray atilak-tilak ya armas. Poolan da ray samper, pana, pika, tan maso, et ag da ra naoput ya ipool legay pitoy taon.

Amos 2:15

Ag makatalindeg ed kawalaan da iray pumapana, ag makaarawi iray mabatik, tan ag nilaban na saray akakabayo so bilay da.

Obadias 1:15

“Asingger lay agew a siak a Katawan et sintinsiaan ko ray amin a bansa. Edom, no antoy ginawam, ontan met so nagawad sika. No antoy intanem mo, sikatoy anien mo.

Habacuc 2:8

Sinasamsaman yo ray totood amayamay a bansa, balet natan saray akapaliis ed patey et samsaman da kayo, lapud saray impanpapatey yo na totoo tan lapud inkaruksa yod saray totood mundo tan diad saray siudad to.

Deuteronomio 32:35

Say Katawan ombawi tan dusaen to ra; onsabiy panaon a natumba ra; asingger lay agew na ipatey da.

2 TESALONICA 1:6

Gawaen na Dios so manepeg: kairapan so ibales tod saray mamapairap ed sikayo.

Puyan 17:16

Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.

Puyan 18:20

Manliket ka, O tawen, ta aderal la! Manliket kayo, sikayo ran totoon piniliy Dios, sikayo ran apostol, tan sikayo ran propita! Ta sinintinsiaan la na Dios lapud ginagawa tod sikayo!

Puyan 19:2

Matonung tan tua ray sintinsia to! Dinusa toy makapanyarin marotak a biin mangikakayat na kaogsan ed dalin, lapud pankakasalanan toy inmoralidad. Say Dios dinusa to, lapud impamatey tod saray aripen na Katawan.”

1 Samuel 2:4

Napoter iray pana na saray mabiskeg a sondalo, balet ombiskeg iray makapoy.