Jeremias 51:51 - Maung A Balita Biblia

⁵¹ Kuanyo, ‘Naplag kamid kababaingan tan apabaingan kami; sigput ya apanbanday kami lapud saray taga arum a bansa et sinmalin irad saray masanton pasen ed Timplo.’

Maung a Balita Biblia

⁵¹ Kuanyo, Naplag kamid kababaingan tan apabaingan kami; sigput ya apanbanday kami lapud saray taga arum a bansa et sinmalin irad saray masanton pasen ed Timplo.

Jeremias 51:51 Iomraidhean Croise

Saray Salmo 109:29

Nakobutan komun na kababaingan iray kalaban ko, isolung da komun a singa kawes so kababaingan da.

Saray Salmo 71:13

Saray ondodogpad siak et natalo tan naderal ira komun. Saray malabay a mamasakit ed siak et nalemlemew tan napelag ira komun ed kababaingan.

Saray Salmo 79:1

O Dios, say dalin mo et nilooban na saray pagano. Dinotakan day inkasanto na Timplom tan dineral-deral day Jerusalem.

Saray Salmo 79:12

Katawan, bales mo pan mamimpito iray arum a bansa, lapud saray impanpapabaing dad sika.

Saray Salmo 79:4

Luludlureyen da kami ray kakaabay min bansa; elek-elekan tan balbalawen da kami.

Saray Salmo 89:46

Andi-anggaan so iyaamut mo, Katawan? Kapigan mangangga so dalang na pasnuk mo?

Isaias 13:1

Sikato yay propisiya a nipaakar ed Babilonia, say propisiya ya impuyan na Dios ed kinen Isaias a lakin anak nen Amoz.

Isaias 14:1

Kasian lamet na Katawan iray totoo ton Israelita tan pilien to ran kayaryan to. Panayamen to ra lamet ed saray dilin dalin da, tan ondago ray sangkaili tan miayam irad sikara.

Isaias 21:1

Sikato yay propisiya a nipaakar ed Babilonia. Say deral a manlalapud makapatak-takot a pasen et onsabin singa alimbusabos ya ombebeltang ed kalawakan.

Isaias 47:1

Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Jeremias 14:3

Saray mayaman a totoo ibabaki da ray aripen da, ta mangala ray danum; oonla rad saray bobun, balet ag ira makakalmoy danum; ompapawil ira ya anggapoy karga iray pananginan da. Sasakbungan da ray olo ra, lapud kababaingan tan ag da amtay gawaen da.

Jeremias 31:19

Inmarawi kami ed sika, balet kabebekta nilabay miy ompawil. Kayari mo kamin dinusa, nanampat kami lapud ermen na pagbabawi. Ambaing kami, lapud saray kasalanan mi nen wala kami nid kalangweran.’

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Saray Tagleey 1:10

Sinamsam na saray kalaban iray amin a kayamanan to. Anengneng to ran linmoob ed Timplo, a say dalem to et insebel na Katawan a looban na saray Hintil.

Saray Tagleey 2:20

Nengneng mo pa, O Katawan! Nengneng mo pa ray papairapen mo! Kakanen na saray bibii iray bangkay na saray anak dan inararo! Napapatey ed Timplo iray papari tan saray propita.

Saray Tagleey 5:1

Nudnunot mo pay asumpalan mi, O Katawan. Nengneng mo kami pa, tan imanom so inkaplag mid kababaingan.

Ezekiel 24:21

a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Ezekiel 36:30

Parakelen koy bunga na saray kakiewan yo tan say naani ed kaalogan yo, pian anggapo la ray ondalan ya eras a makasengeg na pakapelagan yod kababaingan ed saray bansa.

Ezekiel 7:18

Mankawes iray sako lapud ermen tan ompayegpeg so intiron laman. Nakiskisan so kaoloan da tan napelag iran amin ed kababaingan.

Ezekiel 9:7

Inkuan na Dios ed sikara, “Dotakan yoy Timplo. Pano yo na bangkay iray patio to. Igapo yo lay kimey yo!” Kanyan inggapo ray nampapatey na saray totoo ed dalem na siudad.

Daniel 11:31

Pagmaliwen na arum a sondalo to a marotak, onung ed ganggan, so Timplo. Patondaen day inagew-agew a bagat tan ilira da so Makapataktakot a Managderal.

Amos 7:9

Naderal iray pasen a pangigagalangan na saray kabyangay boleg nen Isaac. Nataynan ya aderal-deral iray masanton pasen na Israel. Panganggaen kon manari iray kabyangay boleg nen Ari Jeroboam.”

Mikias 6:16

Onyay nagawa, lapud inalig yo ray maoges a ginagawa nen Ari Omri tan si anak ton laki a si Ari Acab. Intuloy yon inoonur iray ganggan da, kanyan iyakar kod sikayoy deral, tan balawen kayo na balang too. Leglemewen kayo na amin a katoowan ed inerman a pasen.”

Mikias 7:10

Diad satan saray kalaban mi nanengneng da yan nagawad sikami et napelag irad satan ed kakabaingan, saray kalaban min angikuan ed sikami, “Iner so kawalaan na Katawan a Dios yo?” Nanengneng mi ran natalo, a nagatingatinan ira a singa pitek ed saray dalan.