Jeremias 51:44 - Maung A Balita Biblia

⁴⁴ Dusaen koy Bel a dios na Babilonia, tan paipawil kod sikato ray tinatakew to; ag la igalang na saray bansa. “Atumba ray padir na Babilonia.

Maung a Balita Biblia

⁴⁴ Dusaen koy Bel a dios na Babilonia, tan paipawil kod sikato ray tinatakew to; ag la igalang na saray bansa. Atumba ray padir na Babilonia.

Jeremias 51:44 Iomraidhean Croise

2 Saray Awaran 36:7

Inala nen Nebucodonosor so pigaran kayamanan na Timplo, insan to ra inyan ed palasio Tod Babilonia.

Say Libro nen Job 20:15

Say maoges a too iyoota toy kayamanan a tinatakew to; babawien na Dios ya alaen anggan walad dalem na eges to.

Isaias 2:2

Diad saray agew ya onsabi, say palandey a panalalageyan na Timplo so magmaliw a sankatageyan ed saray palandey tan ososdungan ton amin iray pokdul. Amayamay a bansa so onlan singa onaagos a danum ed sikato,

Isaias 21:9

Kabebekta nitan la ray lalaki, akakabayo ra tan sanderwa ran nanoolup. Imbawag na samay guardia, “Atalo lay Babilonia! Walad dalin tan atemektemek iray amin a talintaoy diriyos a gagalangen da.”

Isaias 60:5

Nanengneng mo yan nagawa, et nalimbos kay liket; Manlukso-lukso ka lapud liket mo. Niakar ed sika iray kayamanan na saray bansa; Onsabin manlapud biek na dayat iray kayamanan da.

Jeremias 50:15

Diad kaliber-liber to eyag kayoy para bakal sumpad sikato. Sinmuko la so Babilonia. Ageba tan alooban la ray padir to. Siak, so ombabawi ed saray taga Babilonia. Kanyan bawi kayod sikara, tan gawa yod sikaray singa ginawa rad arum.

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Jeremias 51:18

Andi-kakanaan ira kanyan nepeg day balawen; ompatey ira no onsabiy agew na panusay Katawan ed sikara.

Jeremias 51:34

Tinetegteg na ari na Babilonia so Jerusalem, insan to kinan. Impagmaliw toy siudad a singa pasig a nakalay karga; singa dragon ya ayep ya angakmon ed siudad. Inaala toy labalabay to, insan to imbantak iray nakdaan.

Jeremias 51:47

Kanyan sirin, onsabiy oras a dusaen ko ray talintaoy diriyos na Babilonia. Nabaingan so intiron bansa, tan napatey ya amin iray totoo to.

Jeremias 51:53

Anggan makasegep ed tawen so Babilonia, tan manggawad may mabiskeg a tirinsira, siansian mangibaki ak na saray totoon maneral ed sikato. Siak, say Katawan, so nansalita.”

Jeremias 51:58

Nageba ya anggad dalin iray makapal a padir na Babilonia, tan napoolan iray atatagey iran puirta to. Magmaliw ya andi-kakanaan ya amin iray kimey da ray totood saray bansa, tetemeken na apoy ya amin iray nansagpotan da. Siak, say Katawan a Makapanyarin-amin, so nansalita.”

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Daniel 3:29

“Et natan, igaganggan ko a tegtegtegen so laman na siopaman a taga dinanman a bansa, anggan antoy kolor na baog to tan salita to, a mansalitay sumpad Dios di Sadrac, Mesac, tan Abednego. Gawaen a bontun na deral-deral so abung to. Anggapoy arum a dios a makapangyagel na onya.”

Daniel 4:1

Si Ari Nabucodonosor impaikuanto ed amin da ray totoo ed amin a bansa, anggan antoy kolor na baog da tan salita ra, diad intiron mundo: “Pinablik iran totook!

Daniel 4:22

“Kagalang ya Ari, sika man so kiew, atagtagey tan mabiskeg. Diad imbalbaleg mo atokdul moy tawen, tan say pakaoley mo et linmaknab ed intiron mundo.

Daniel 5:19

Mapalaloy inkatalonggaring to, kanyan manggiwgiw tan antakot ed sikato iray totoo ed amin a bansa ya anggan antoy kolor na baog da tan salita ra. Pinatey to so siopaman a toon nilabay ton pateyen; impansiansia ton mabilay iray nilabay ton bilayen. Pinagalangan tan impelag tod kababaingan so siopaman a toon nilabay to.

Daniel 5:26

Sikato ya so talus to: say Mene et bilang, ta binilang na Dios iray agew a nakdaan a pansiansia na nanarian mo tan impansamput to la;

Daniel 5:31

si Dario a taga Media, tan mantaon ed saman na anemaplo tan dua, et sinamsam to so pakaoley na ari.