Jeremias 51:37 - Maung A Balita Biblia

³⁷ Insan magmaliw a bunton na deral-deral so Babilonia tan panayaman na saray ayayep ed katakelan. Makapataktakot a nengnengen; anggapod may toon manayam, tan nataktakot ya amin iray makanengneng ed agawa.

Maung a Balita Biblia

³⁷ Insan magmaliw a bunton na deral-deral so Babilonia tan panayaman na saray ayayep ed katakelan. Makapataktakot a nengnengen; anggapod may toon manayam, tan nataktakot ya amin iray makanengneng ed agawa.

Jeremias 51:37 Iomraidhean Croise

2 Saray Awaran 29:8

Lapud saya akapasnuk so Katawan ed Juda tan Jerusalem, et nikelawan tan ataktakot so balang sakey lapud ginawa tod sikara. Malinlinew so pakaamta yod sayan inkagawa.

Isaias 14:23

Pagmaliwen kon lonek so Babilonia tan panayaman na saray kulayot. Panisan koy Babilonia tan ikanak so panis a mangibantak ed amiamin a bengatla. Siak, say Katawan a Makapanyarin-amin, so nansalita.”

Jeremias 18:16

Ginawa ran makapataktakot yan dalin, a nabalaw ya anggad angga. Nataktakot ya amin iray ondalan, lapud saray nanengneng da; ipeyeng-peyeng day olo rad pankelaw da.

Jeremias 19:8

Iyakar kod sayan siudad so onyan makapasinagem a deral pian balang sakey ya ondalan et natalagnaw tan nikelawan.

Jeremias 25:12

Kayari tod satan dusaen koy Babilonia tan say ari to lapud saray kaogsan da. Deralen ko man a bansa tan paolyan kon aderal-deral ya anggad angga.

Jeremias 25:18

Apainom so Jerusalem tan amin a baley ed Juda, pati saray arari tan saray pangulo na Juda, pian magmaliw iran bunton na dera-deral; makapataktakot tan makapasinagem iran nengnengen, tan saray totoo ikana ran sakey a samba so ngaran da a singa gagawaen da ni. (Onya natan so agawad sikara.)

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 29:18

Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Jeremias 49:17

Say Katawan inkuanto, “Makapasinagem so nagawa ed Edom, kanyan nikelawan tan nataktakot ed agawa so siopaman a makadalan.

Jeremias 49:33

Magmaliw ya ando lan andon andi-kakanaan a pasen so Hazor, sakey a pasen a saray asod katakelan labat so manaayam, tan anggapo lad may manayam a too. Siak, say Katawan, so nansalita.”

Jeremias 51:29

Manggiwgiw so sankamundoan lapud susumpalen na Katawan so plano to a pagmaliwen a nikaindan a pasen so Babilonia; kanyan anggapo lad may toon malabay a manayam.

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Mikias 6:16

Onyay nagawa, lapud inalig yo ray maoges a ginagawa nen Ari Omri tan si anak ton laki a si Ari Acab. Intuloy yon inoonur iray ganggan da, kanyan iyakar kod sikayoy deral, tan balawen kayo na balang too. Leglemewen kayo na amin a katoowan ed inerman a pasen.”

Nahum 3:6

Kabosulen ta ka tan kobutan ta ka na dotak. Sitatakot ya onnengneng ed sika iray totoo.

Sofonias 2:15

Ontan so nagawa ed siudad ya ipapangaya toy dilin pakayari to tan ipapasen toy sikaton dili ya arawid kaatapan. Ipapasen na saray totoo to a say siudad da so sankatalonggaringan ed intiron mundo. Magmaliw a begte-begtew a pasen, sakey a pasen a panayaman na saray ayayep ed katakelan! Balang toon ondalan ed saman a pasen et makasoner ed kataktakot to.

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.