Jeremias 51:36 - Maung A Balita Biblia

³⁶ Kanyan say Katawan kuantod saray taga Jerusalem, “Iyalageyan ta kayo, tan ibawian ta kayod saray kalaban yo, lapud saray ginagawa dad sikayo. Paekaten koy sobul na danum na Babilonia, tan paekaten ko ray ilog to.

Maung a Balita Biblia

³⁶ Kanyan say Katawan kuantod saray taga Jerusalem, Iyalageyan ta kayo, tan ibawian ta kayod saray kalaban yo, lapud saray ginagawa dad sikayo. Paekaten koy sobul na danum na Babilonia, tan paekaten ko ray ilog to.

Jeremias 51:36 Iomraidhean Croise

Saray Salmo 107:33

Say Katawan sigput ton pinaekat iray ilog, tan pinatonda ton onagos iray sobul.

Saray Salmo 140:12

Kabat ko, Katawan, ya itatalindeg moy katonungan da ray mairap-bilay, tan saray walad pankaukolan.

Probirbio 22:23

Say Katawan iyalageyan to ra tan taktakoten toy bilay da ray manataktakot na bilay da.

Probirbio 23:11

Say Katawan so makapanyarin manangyagel da, tan iyalagey toy kanepegan da sumpad sika.

Isaias 19:5

Onkati so Ilog na Nilo, insan mankalkalnan naekatan.

Isaias 43:14

Say masanton Dios na Israel, say Katawan a Mananondon yo, kuanto, “Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Isaias 44:27

Diad sakey a ganggan ko namamagaan so dayat.

Jeremias 50:38

Paandi yo so danum ed dalin to; paekatan iray ilog to. Say Babilonia et kawalaan da ray makapataktakot a talintaoy diriyos a ginagawa ran makulang-kulang iray totoo.

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, “Tareman yo ray pana yo! Iparaan yo ray samper yo!

Jeremias 51:6

Ibatikan yoy Babilonia! Batik kayo diad pangilaban yod bilay yo! Ag kayo papapatey, lapud kasalanan na Babilonia. Ombabawi ak la natan tan dudusaen ko onung na kanepegan to.

Ezekiel 25:14

Ibawian ak na saray totook ya Israelita ed Edom, tan ipalikna rad Edom so sulit na pasnuk ko. Naamtaan na Edom no anto so kipapasen na balesen kon bansa.” Say Katawan a Dios so nansalita.

Oseas 13:15

Anggaman ya ombolaslas a singa dika so Israel, mangibaki ak na ampetapetang a dagem a manlapud bokig, a mamaekat ed saray sobul tan saray bobun da. Paandien to ray antokaman a mabmabli.

Saray Taga Roma 12:19

Ag kayo ombabawi, inararon agagi; paolyan yo lan ombawi so Dios. Ta ibabagay Masanton Sulat, “Siak so maningil, siak so ombawi, kuay Katawan.”

Deuteronomio 32:35

Say Katawan ombawi tan dusaen to ra; onsabiy panaon a natumba ra; asingger lay agew na ipatey da.

Deuteronomio 32:43

“Sikayo ran bansa, nepeg yon idayew iray totoo na Katawan— dusaen to ray mamatey ed sikara. Ombawid saray kalaban to tan pirdonaen to ray kasalanan da ray totoo to.”

Puyan 16:12

Say kumanem ya anghil inkalbo tod baleg ya Ilog na Eufrates so kargay yaung to. Amagaan imay ilog, pian niparaan so dalanen da ray arin manlapud bokig.