Jeremias 51:33 - Maung A Balita Biblia

³³ Ag mabayag, gapasen ira la na saray kalaban tan gatin-gatinan da ran singa ilik ed panagilikan. Siak, say Katawan a Makapanyarin-amin a Dios na Israel, so nansalita.”

Maung a Balita Biblia

³³ Ag mabayag, gapasen ira la na saray kalaban tan gatin-gatinan da ran singa ilik ed panagilikan. Siak, say Katawan a Makapanyarin-amin a Dios na Israel, so nansalita.

Jeremias 51:33 Iomraidhean Croise

Isaias 18:5

Kasakbayan a naborbor iray bungay ubas, no naplag la ray rosas tan naluluto la ray bungay ubas, deralen na saray kalaban iray taga Sudan; mainomay da ran deralen, a singa kainomay na pamotut na yuro ed saray sanga na ubas.

Isaias 21:10

Totook a taga Israel, singa kayo trigon nailik-ilik, balet natan imbawag kod sikayo so maung a balitan nadngel ko ed Katawan a Makapanyarin-amin a Dios na Israel.

Isaias 47:1

Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Jeremias 51:32

Adakep la na kalaban so babaliwan ed ilog tan apoolan la ray amin a tirinsira. Ag da la amtay gagawaen da iray sondalon taga Babilonia.

Oseas 6:11

“Sikayon totood Juda, inggetar ko lay panaon a panusak met ed sikayo lapud kaogsan a gagawaen yo.

Joel 3:13

Mapalaloy kaogsan da; gapas mo pa ran singa trigo no panaoy panagani; terak mo ran singa katerak na ubas diad panagpespesan ya anggad onlepwan onagos so alak.”

Amos 1:3

Say Katawan kuanto, “Nankakasalanan iray totood Damasco, kanyan andi-saew a dusaen ko ra. Mapalaloy impanduduksa rad saray totood Galaad.

Mikias 4:12

Balet ag amta na sarayan bansa so kanunotan na Katawan. Ag da natatalusan a nantitipon iran nadusa a singa kiakar na saray pinalut ed panagilikan.

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Habacuc 3:12

Sipapasnuk kan binmeltang ed mundo; diad gaway sanuk mo ginagatinan mo ray bansa.

Mateo 13:30

Paolyan yon mambansag iran ontuboy trigo tan dika ya anggad panagani. Ibagak ed saray manani ed satan ya onaen dan baguten iray dika tan balkuten da ran ibantak ed apoy, insan da anien iray trigo tan ikarga da rad kamalir.’”

Mateo 13:39

samay kalaban a nansibwag na saray bokel na dika, say dilin Diablo. Samay panagani, say anggaan na mundo; tan saramay omaani, saray anghil.