Jeremias 51:25 - Maung A Balita Biblia

²⁵ Babilonia, singa ka sakey a palandey a maneral ed intiron mundo, balet kalaban mo ak, siak a Katawan. Egnaan ta ka, ipalanas ta kad dalin, tan padapulen ta ka.

Maung a Balita Biblia

²⁵ Babilonia, singa ka sakey a palandey a maneral ed intiron mundo, balet kalaban mo ak, siak a Katawan. Egnaan ta ka, ipalanas ta kad dalin, tan padapulen ta ka.

Jeremias 51:25 Iomraidhean Croise

Genesis 11:4

Insan inkuanda, “Mangipaalagey tayoy sakey a siudad a walay tori ton toktokdulen toy tawen, pian ombantug itayo ta ag la pigan nikaykayat itayod intiron mundo.”

Saray Salmo 138:7

Anggan aliber ak na saray gunigon, iyaarawi mo ak ed kairapan; Susumlangen mo ray mamapasnuk a kalaban ko, tan ilalaban mo ak diad panamegley na pakayarim.

Isaias 13:2

Diad toktok na kinmelang a pokdul, ibitin yoy bandiran para bakal! Kolyaotan yo ray sondalo tan itagey yo ray taklay yon maninyas ed sikara ya ondogpa rad saray puirta na mapaatagey a siudad.

Jeremias 25:12

Kayari tod satan dusaen koy Babilonia tan say ari to lapud saray kaogsan da. Deralen ko man a bansa tan paolyan kon aderal-deral ya anggad angga.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 50:25

Nilokasan koy pasen ya akaisinupan na saray armas ko tan, diad pasnuk ko, impaway ko ra lapud siak a Katawan a Makapanyarin-amin a Dios et walay gawaen ko ed Babilonia.

Jeremias 50:31

“Babilonia, sumpa ak ed sika, siak a Katawan a Makapanyarin-amin a Dios, lapud mapaatagey ka. Sinmabi lay panaon a panusak ed sika.

Jeremias 51:53

Anggan makasegep ed tawen so Babilonia, tan manggawad may mabiskeg a tirinsira, siansian mangibaki ak na saray totoon maneral ed sikato. Siak, say Katawan, so nansalita.”

Jeremias 51:58

Nageba ya anggad dalin iray makapal a padir na Babilonia, tan napoolan iray atatagey iran puirta to. Magmaliw ya andi-kakanaan ya amin iray kimey da ray totood saray bansa, tetemeken na apoy ya amin iray nansagpotan da. Siak, say Katawan a Makapanyarin-amin, so nansalita.”

Jeremias 51:7

Nen saman, say Babilonia et singa balituk a kupa a walad limak, tan buebueken koy intiron mundo. Ininom na saray bansa so alak to, kanyan nakalan iray kalakal.

Daniel 4:30

inkuanto, “Nengneng yo so ontan lan inkatalonggaring na Babilonia! Lapud biskeg tan pakayarik impaalagey kon manonan siudad na nanarian ko a pakapatnagay kagalangan ko tan say katageyan ko.”

Zacarias 4:7

Naandipat ed arap mo iray bangen a singa ra palandey. Napasimbalom a nipaalagey so Timplo, tan diad pangiliram na sankasamputan a bato, saray totoo iyeyag da, ‘Marakep, marakep!’”

2 Pedro 3:10

Balet onsabin singa sakey a matakew so Agew na Katawan. Diad satan ya Agew, naandipat iray katawenan a katekep na makmaknul ya ungol. Napoolan tan natonaw iray bitewen, say agew, tan say bulan; naandipat so mundo, pati amin a logan to.

Puyan 8:8

Nen sinibuk na kumadwan anghil so trumpita to, nibantak ed dayat so singa baleg a palandey a napopoolan. Nagmaliw a dala so kakatloy dayat,