Jeremias 51:20 - Maung A Balita Biblia

²⁰ Say Katawan kuanto, “Babilonia, sikay masok, say armas kod bakal. Inkana ta kan nanmemekmek ed saray bansa tan saray nanarian,

Maung a Balita Biblia

²⁰ Say Katawan kuanto, Babilonia, sikay masok, say armas kod bakal. Inkana ta kan nanmemekmek ed saray bansa tan saray nanarian,

Jeremias 51:20 Iomraidhean Croise

Isaias 10:15

Balet say Katawan kuanto, “Nayari kasin ipasirayew na wasay a matalonggaring ni nen say mangiwawasay ed sikato? Odino say ligari nen say mangililigarid sikato? Say bastun ag to lilibiten so too, no ag ingen say too so manlilibit ed bastun.”

Isaias 10:5

Inkuan na Katawan, “Asiria! Ikanak so Asiria a singa pekpek a panusak ed saray totoon pamapasnukan ko.

Isaias 13:5

Onsasabi ran nanlapud ararawin bansa diad saray samput na dalin. Diad pasnuk na Katawan onsasabi a maneral ed intiron bansa.

Isaias 37:26

“Ag mo ta ni nadngelan ya abayag ko la yan ginetma? Sinumpal ko la ra ya natan. Initdan ta kay pakayarin napagmaliw mon bunton na deral-deral iray siudad ya aliber na padir.

Isaias 45:1

Say Katawan pinili ton manari si Ciro. Tinoro to a manakep ed saray bansa; ibabaki ton mangekal na pakayari da ray arari; ilokas na Katawan iray puirta na saray siudad a looban nen Ciro. Say Katawan kuantod kinen Ciro.

Isaias 8:9

Mantitipon kayon sitatakot, sikayo ran bansa! Dengel kayo, sikayo ran ararawin parti na mundo. Mamparaan kayon mibakal, balet takot kayo! On, mamparaan kayo, balet takot kayo!

Jeremias 25:11

Magmaliw a bontun na dera-deral yan intiron dalin tan makapataktakot a nengnengen. Pitomploy taon a panlingkuran na sarayan kakaabay a bansa so Babilonia.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 50:23

Minaso tan minekmek na Babilonia so intiron mundo, balet natan apoter la man a maso. Atalagnaw ya amin iray bansa lapud agawad Babilonia.

Ezekiel 21:11

Apasileng so ispada, pian niparaan ya ikana. Niyobul tan apasileng, pian niderew ed saray lima na pumapatey.

Ezekiel 21:31

Nalikna yo so sulit na pasnuk ko no singa apoy ya idapok ed sikayo. Insan ipalima ta kayod saray maruksan totoo a marunong iran manderal.

Mikias 4:12

Balet ag amta na sarayan bansa so kanunotan na Katawan. Ag da natatalusan a nantitipon iran nadusa a singa kiakar na saray pinalut ed panagilikan.

Mikias 4:13

Say Katawan kuanto, “Totood Jerusalem, laka yo, ta dusa yo ray kalaban yo! Pagmaliwen ta kayon singa mabiskeg a bakan kalakyan a balatyang iray saklur to tan gansa ray koko to. Temeken yo ray amayamay a bansa, tan iyapay yod siak a Katawan na intiron mundo iray kayamanan a sinasamsam da.”

Nahum 2:1

Ninive, nadodogpaan da ka la! Sinmabi lay pakayarin manemek ed sika. Paguardiaan mo ray tirinsira tan saray daladalan! Mamparaan kan mibakal! (

Zacarias 10:4

Manlapud sikara iray manoley, saray pangulo, tan saray kapitan na sondalo a manoley ed saray totook.

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.