Jeremias 50:37 - Maung A Balita Biblia

³⁷ Patey yo ray kabayo to tan deral yo ray karwahi to! Patey ed saray inoopaan ton sondalo— agaylay kapoy da! Deral yo ray kayamanan to; akokos tan samsam yo ra.

Maung a Balita Biblia

³⁷ Patey yo ray kabayo to tan deral yo ray karwahi to! Patey ed saray inoopaan ton sondalo agaylay kapoy da! Deral yo ray kayamanan to; akokos tan samsam yo ra.

Jeremias 50:37 Iomraidhean Croise

Saray Salmo 46:9

Patotondaen to ray bakal ed intiron mundo; popoteren to ray pana, dederalen to ray pika, tan popoolan to ray samper.

Saray Salmo 76:6

Nen nampasnukan mo ra, O Dios nen Jacob, atumtumban inaatey iray kabayo tan saray akakabayo.

Isaias 19:16

Onsabiy panaon a magmaliw a singa mabaing a bibii iray Egipsio. Onggiwgiw irad takot no nanengneng dan akaonat a manusad sikara so taklay na Katawan a Makapanyarin-amin.

Isaias 45:3

Itdan ta ka na saray kayamanan a manlapud saray ambilonget tan maamut a pasen; naamtaan mod satan a siak so Katawan, say Dios na Israel ya anawag ed sika ed ngaran mo.

Jeremias 48:41

tan nadakep iray baley tan saray tirinsira. Diad satan ya agew ontakot a singa biin mampapasakit iray sondalo na Moab.

Jeremias 50:10

Nasamsaman so Babilonia, tan alaen day amin a labalabay da iray mansamsam. Siak, say Katawan, so nansalita.”

Jeremias 50:26

Manlapud amin a dapag dogpaan yoy Babilonia tan lokasan yo ray pasen ya akaisinupan na saray trigo! Ibunton yon singa abunton a trigo iray nasamsam yo! Deral yoy bansa! Ag kayon balut mangikekera na antokaman!

Jeremias 51:21

nambibingkas ed saray kabayo tan saray akakabayo, nandederal ed saray karwahi tan saray kutsiro,

Jeremias 51:22

nampapatey ed saray lalaki tan saray bibii, nampapatey ed saray mamatakken tan saray mamalangwer, naneekal na bilay da ray babalolaki tan saray mamarikit,

Jeremias 51:30

Tinondaan la na saray sondalo na Babilonia so mibakal tan nanayam la rad tirinsira ra. Nakalan iray biskeg na linawa, tan nagmaliw iran singa bibii. Ageba ray puirta na siudad tan apoolan iray kaabungan.

Jeremias 51:4

Nasugatan ira tan ompatey ira ed saray dalan da ray siudad da.

Ezekiel 30:5

“Diad satan a bakal napatey met iray sondalon inuupaan a taga Sudan, Libia, Lidia, Arabia, Kub, tan anggan saray dilin totook.”

Ezekiel 39:20

Diad lamisaan ko mangan na nayarian dan kanen iray kabayo tan saray kumakabayo, saray sondalo tan saray bumabakal. Siak a Katawan a Dios so nansalita.”

Nahum 2:13

“Siak so kalaban mo!” kuay Katawan a Makapanyarin-amin. “Poolan ko ray karwahim. Napatey ed bakal iray sondalom, tan alaen kon amin iray bengatlan sinasamsam mod saray arum a bansa. Ag la narengel so antokaman ya ibaga na saray ibabakim.”

Nahum 3:13

Singa bibii iray sondalom, tan akaparontal ya anggapoy nagawaan ed arap na saray kalaban mo so bansam. Temeken na apoy iray balewet na saray puirtam.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.