Jeremias 50:36 - Maung A Balita Biblia

³⁶ Patey ed saray matitila ton propita— agaylay inkakulang-kulang da! Patey ed saray sondalo to— agaylay inkataktakot da!

Maung a Balita Biblia

³⁶ Patey ed saray matitila ton propita agaylay inkakulang-kulang da! Patey ed saray sondalo to agaylay inkataktakot da!

Jeremias 50:36 Iomraidhean Croise

2 Samuel 15:31

Nen nibagad kinen David a si Ahitofel et akikomplut ed kinen Absalom, nampikasi, “Pikasik ed sika, Katawan, a pagmaliw mon andi-kakanaan so simbawa nen Ahitofel!”

2 Samuel 17:14

Inkuanen Absalom tan amin da ray Israelita, “Maung so simbawa nen Cusai nen si Ahitofel.” Ginetma na Katawan ya ag natombuk so maung a simbawa nen Ahitofel, pian walay maoges ya onsabi ed kinen Absalom.

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

Isaias 43:14

Say masanton Dios na Israel, say Katawan a Mananondon yo, kuanto, “Diad pangilaban kod sikayo, mangibaki ak na saray sondalo a mibakal ed Babilonia; igebak iray puirta na siudad, et magmaliw ya akis so eyag na saray totoo to.

Isaias 44:25

Pagmamaliwen kon andi-kabaliksan iray managbuyon tan andi-kakanaan iray managparles. Susumlangen ko ray salita na saray makabat tan ipapanengneng kod sikaran anggapoy kabaliksan so kakabatan da.

Jeremias 48:30

Siak a Katawan amtak so inkamapaatagey da. Andi-kakanaan so panagpaatagey da tan ag mansiansia ray gagawaen dan bengatla.

Jeremias 49:22

Say kalaban dogpaan toy Bozra; singa agilan onsibar ya akabuskag iray payak to. Diad satan ya agew saray sondalo na Edom ontakot ira a singa biin mampapasakit.”

Jeremias 50:30

Napatey ed saray dalan na siudad iray tobun-balo ton lalaki, tan naderal ya amin iray sondalo to ed satan ya agew. Siak, say Katawan, so nansalita.

Jeremias 51:23

nampapatey ed saray pumapastol tan saray karniro ra, nampapatey ed saray dumaralus tan saray kabayon panagbaka ra, nanooyus na bilay da ray manoley tan saray atatagey ya opisyal.”

Jeremias 51:30

Tinondaan la na saray sondalo na Babilonia so mibakal tan nanayam la rad tirinsira ra. Nakalan iray biskeg na linawa, tan nagmaliw iran singa bibii. Ageba ray puirta na siudad tan apoolan iray kaabungan.

Jeremias 51:32

Adakep la na kalaban so babaliwan ed ilog tan apoolan la ray amin a tirinsira. Ag da la amtay gagawaen da iray sondalon taga Babilonia.

Nahum 2:8

Singa ompapaway a danum ed abwang a dipositoway danum iray totoon ontataynan ed Ninive! “Tonda kayo! Tonda kayo!” kuay eyag—balet anggapoy ompawil.

Nahum 3:13

Singa bibii iray sondalom, tan akaparontal ya anggapoy nagawaan ed arap na saray kalaban mo so bansam. Temeken na apoy iray balewet na saray puirtam.

Nahum 3:7

Arawian ka na amin a makanengneng ed sika. Ikuanda, ‘Aderal-deral so Ninive. Siopay mangakasi ed sikato? Siopay malabay a manligliwad sikato?’”

1 Timoteo 4:2

Sarayan bangat ya ikakayat na saray matitilan totoo a say konsinsia ra et inatey la, a singa apoolan na ampetapetang a balatyang.

1 Timoteo 6:4

mapaatagey tan anggapoy amta to. Sakit to lay misangsangan tan mikolkol nipaakar ed saray salita, tan sikato yay sengegan labat na imonan, kolkolan, insultowan, maoges a palsaan,

Puyan 19:20

Narel imay ayep, pati samay tila-tilan propita a nanggagaway milagro ed arap to imay ayep. (Sarayan milagro so impamalikdo tod saray walay marka na ayep, tan saray angigagalang ed talintaoy ayep.) Samay ayep tan samay tila-tilan propita nibantak iran mabilay ed dayat a manliub ya asupri.

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”

Puyan 22:15

Balet natilak ed paway na siudad iray marotak so panagbilay da, saray managanito, saray managkasalanan na inmoralidad, saray managpatey na too, saray manangigalang ed saray talintaoy diriyos, tan saray matitila diad salita tan gawa.