Jeremias 50:28 - Maung A Balita Biblia

²⁸ Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Maung a Balita Biblia

²⁸ Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Jeremias 50:28 Iomraidhean Croise

Isaias 48:20

Paway kayod Babilonia, taynanan yo man a pasen! Maliket yon ibawag so balita; ipaamta yod amin a pasen: “Dinondon la na Katawan so aripen ton Israel!”

Jeremias 50:15

Diad kaliber-liber to eyag kayoy para bakal sumpad sikato. Sinmuko la so Babilonia. Ageba tan alooban la ray padir to. Siak, so ombabawi ed saray taga Babilonia. Kanyan bawi kayod sikara, tan gawa yod sikaray singa ginawa rad arum.

Jeremias 51:45

Totoon taga Israel, ibatikan yo la so Babilonia! Ibatikan yoy ontan lan pasnuk ko diad pangyagel yod bilay yo.

Jeremias 51:6

Ibatikan yoy Babilonia! Batik kayo diad pangilaban yod bilay yo! Ag kayo papapatey, lapud kasalanan na Babilonia. Ombabawi ak la natan tan dudusaen ko onung na kanepegan to.

Saray Tagleey 1:10

Sinamsam na saray kalaban iray amin a kayamanan to. Anengneng to ran linmoob ed Timplo, a say dalem to et insebel na Katawan a looban na saray Hintil.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Levitico 26:25

Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Deuteronomio 32:41

ya iyobul koy mankidiam ya ispadak tan ipakurang kon ipakurang so katonungan. Ombawi ak ed saray kalaban ko tan dusaen ko ray mamosul ed siak.