Jeremias 50:27 - Maung A Balita Biblia

²⁷ Patey yo ray amin a sondalo ra! Patas yo ra! Pangaskasiyan iray taga Babilonia! Sinmabi lay panaon na panusad sikara!” (

Maung a Balita Biblia

²⁷ Patey yo ray amin a sondalo ra! Patas yo ra! Pangaskasiyan iray taga Babilonia! Sinmabi lay panaon na panusad sikara! (

Jeremias 50:27 Iomraidhean Croise

Say Libro nen Job 18:20

Manlapud bokig ya anggad sagur, amin iray makangel ed inkagawa to, onkelaw tan onggiwgiw irad takot.

Saray Salmo 22:12

Amayamay iray kalaban a singa ra bakan kalakyan ya onlalakub ed siak; wala rad kaliber-liber ko a singa ra saray masebeg a bakan kalakyan a nanlapud dalin na Basan.

Saray Salmo 37:13

Eelekan na Katawan iray totoon maoges, ta amta ton maganggano lan onsabiy kadusa ra.

Isaias 21:12

Ebat ko, “Onkakabwasan la, balet onsabi lamet so labi. No labay mo lamet so ontepet, pawil ka dian ontepet.”

Isaias 34:6

Naames so ispada to na dala tan taba ra a singa dala tan taba na saray nibagat a kordiro tan kanding. Mangibagat so Katawan ed siudad na Bosra; gawaen to ya a pamatey na dakerakel a totoo ed dalin na Edom.

Isaias 34:7

Saray totoo napelag iran singa saray bakad katakelan tan saray kilaw a bakan kalakyan tan nabalangaan na dala so mundo tan nalayanapan na taba.

Jeremias 12:3

Balet, Katawan, kabat mo ak; nanenengneng moy gagawaen ko, tan say ontan lan panangarok ed sika. Igayugoy mo pan singa karniron papateyen ira yan totoo; bantayan mo pa ra ya anggad panaon a sikara lay patasen.

Jeremias 25:34

Akis kayo, sikayo ran pangulo, sikayo ran pumapastol na saray totook, akis kayoy maksil! Manermen kayo tan mantolin kayod dabuk. Sinmabi lay panaon a sikayoy pateyen, tan napatas kayon singa karniron kalakyan.

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Jeremias 46:21

Anggan saray uupaan to ran sondalo et singa ra bakan anggapoy nitulong. Ag ira inmalagey a linmaban; pinmoliktar iran amin tan batik ira. Sinmabiy agew na pakadusa ra, say oras na kaderal da.

Jeremias 48:10

Nisamba so toon ag mankolin mankimey para Katawan! Nisamba so toon ag to ikakanay ispada tod pampatey!)

Jeremias 48:15

Aderal so Moab tan saray siudad to; apatey iray sankamaungan a mamalangwer ton lalaki. Siak so ari a Katawan a Makapanyarin-amin, tan siak so nansalita.

Jeremias 48:44

Siopamay ibatikan toy takot napelag ed saray abut, tan siopamay makaagwat ed saray abut naalad saray patit, ta ingganak lay panaon na pakaderal na Moab.

Jeremias 50:11

Say Katawan kuanto, “Totoon taga Babilonia, sinamsaman yoy bansak. Anggaman a maliket tan magayaga kayo, a singa kayo bakan niakar ed saray malamlambut a dika, odino manaringing a kabayo,

Jeremias 50:31

“Babilonia, sumpa ak ed sika, siak a Katawan a Makapanyarin-amin a Dios, lapud mapaatagey ka. Sinmabi lay panaon a panusak ed sika.

Jeremias 51:40

Tengtengen ko ran singa papatasen a kordiro, kanding, tan kalakyan a karniro. Siak, say Katawan, so nansalita.”

Saray Tagleey 1:21

“Dengel mo pay panayay ko; anggapoy manligliwad siak. Panliketan na saray kalaban ko so impangiter moy gunigon ed siak. Ipasabim pa la may agew ya insipan mo; panirap mo pa ray kalaban ko a singa paniirap ko.

Puyan 18:10

Manalagey irad arawi, ta antakot irad paniirap to. Ikuanda, “Makapataktakot! Adusa ka, sikan bantug tan makapanyarin siudad na Babilonia ed loob labat na sakey oras!”

Puyan 19:17

Insan anengneng ko met so anghil ya akaalagey ed agew. Iningal toy makmaksil ed saray manok ya ontitikyab ed liwang: “Gali dia, mantitipon kayo para baleg a ponsiay Dios!