Jeremias 50:2 - Maung A Balita Biblia

² “Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Maung a Balita Biblia

² Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Jeremias 50:2 Iomraidhean Croise

Saray Salmo 64:9

Ontakot iran amin; dalepdepen da ray ginagawa na Dios, tan salitaen da ray gawgawa to.

Saray Salmo 96:3

Ibando yod saray bansa so kagalangan to, tan diad amin a katoowan iray makapakelaw a gawgawa to.

Saray Salmo 97:7

Napepelag ed kababaingan ya amin iray mangigagalang ed saray talintaoy diriyos; mandadakmomo ya amin iray diriyos ed Katawan.

Isaias 12:4

Onsabiy agew a saray totoo ikanta ra, “Misalamat kayod Katawan! Kerew kayod sikaton tulongan to kayo! Ibaga yod amin a bansa iray ginagawa to! Ibaga yod sikara ya ontan lay inkatalonggaring to!

Isaias 13:2

Diad toktok na kinmelang a pokdul, ibitin yoy bandiran para bakal! Kolyaotan yo ray sondalo tan itagey yo ray taklay yon maninyas ed sikara ya ondogpa rad saray puirta na mapaatagey a siudad.

Isaias 21:9

Kabebekta nitan la ray lalaki, akakabayo ra tan sanderwa ran nanoolup. Imbawag na samay guardia, “Atalo lay Babilonia! Walad dalin tan atemektemek iray amin a talintaoy diriyos a gagalangen da.”

Isaias 37:19

tan pinopoolan da ray diriyos da—ta aliwa ran tuan diriyos; talintaon kiew odino bato ra labat a ginagawa na limay too.

Isaias 39:1

Legan to yan panaon say ari na Babilonia a si Merodac-baladan a lakin anak nen Baladan et nadngelan ton nansakit si Ari Ezekias; kanyan impawitan to na sulat tan rigalo.

Isaias 46:1

“Sikato la yay anggaan na saray diriyos na Babilonia! Nen saman inggalang na saray totoo si Bel tan Nebo, balet natan akalogan irad beneg na asno, makabelbelat irad saray naksawan lan ayayep.

Isaias 48:20

Paway kayod Babilonia, taynanan yo man a pasen! Maliket yon ibawag so balita; ipaamta yod amin a pasen: “Dinondon la na Katawan so aripen ton Israel!”

Isaias 48:6

“Agawa la ray amin ya impasakbay ko; nepeg mon birbiren yan katwaan. Natan ibagak ed sikay balon bengatla ya onsabi, bengatla ran nagawa ya ag ko impaamta nen saman.

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Jeremias 10:15

Andi-kakanaan ira, tan kanepegan day balawen; naderal ira no onsabin maneral ed sikara so Katawan.

Jeremias 31:10

Say Katawan kuanto, “Dengel yo ak, sikayo ran bansa, tan ibawag yod arawi ran gilig na dayat iray salitak. Inkaykayat ko ray totook, balet tiponen ko ra, bantayan ko ran singa pambabantay na pumapastol ed saray karniro to.

Jeremias 4:16

Diad pamasakbay dad saray bansa tan pangibaga rad Jerusalem ibawag da, “Onsasabi ray kalaban a nanlapud sakey ya arawin bansa. Mambando ra sumpad saray siudad na Juda,

Jeremias 4:6

Itoro yoy dalan ya ompogtad Sion! Batik kayod pasen ya arawid kaatapan! Ag kayo la manaabala! Say Katawan mangipasabi na segsegang tan baleg a deral a manlapud baybay.

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Jeremias 50:46

Diad ontan lan makapasinagem a katalo na Babilonia onggiwgiw ya amin iray bansa ed kaliber-liber to, tan narengel da so panay-ay to.”

Jeremias 51:12

Isinyas yon dogpaan iray padir na siudad na Babilonia. Paletan yo so panagguardia! Mangyan kayo na saray guardia! Mangipasen kayo na saray mansanib.” Ginawa na Katawan so imbaga to lan gawaen to ed saray totood Babilonia.

Jeremias 51:27

“Isinyas yoy idogpa! Paknul yoy trumpita pian narengel na saray bansa! Pamparaan yo ray bansa a mibakal ed Babilonia! Ibaga yo ya ondogpa ray nanarian na Ararat, Minni, tan Askenaz. Mamili kayo na opisyal a mangipangulo ed bakal. Mangyakar kayo na saray kabayon singa amayamay a dorun so karakel da.

Jeremias 51:31

Nansosoblayan iray angibaga ed ari na Babilonia ya alooban la ed anggad iner a dapag so siudad to.

Jeremias 51:44

Dusaen koy Bel a dios na Babilonia, tan paipawil kod sikato ray tinatakew to; ag la igalang na saray bansa. “Atumba ray padir na Babilonia.

Jeremias 51:47

Kanyan sirin, onsabiy oras a dusaen ko ray talintaoy diriyos na Babilonia. Nabaingan so intiron bansa, tan napatey ya amin iray totoo to.

Jeremias 51:52

Kanyan sirin, ibabagak ya onsabiy panaon a dusaen ko ray talintaoy diriyos na Babilonia, tan manay-ay ed intiron bansa iray sugatan.

Jeremias 51:8

Biglan atalo so Babilonia, tan aderal! Ermenan yo! Iyalaan yoy tambal, ta ag la pigan onabig.

Jeremias 52:31

Nen taon a nagmaliw ya arid Babilonia si Evil-merodac, kinasian to si Ari Joakin na Juda; impaway to ed prisowan. Agawa ya nen kumaduamplo tan limay agew na kumalabinduan bulan na kumatalomplo tan piton taon na inkapriso nen Joakin.

Jeremias 6:18

Kanyan inkuan na Katawan, “Dengel kayo ran bansa, ta amtaen yo no antoy nagawa ed saray totook.

Daniel 1:2

Inyabuloy na Katawan a nadakep nen Ari Nabucodonosor si Ari Joakim tan impasamsam toy pigaran kayamanan na Timplo. Inawit tod Babilonia iray pigaran totoon adakep to, tan inyan tod timplo na saray diriyos to iray kayamanan ya asamsam tod saray panagsinupan a kuarto na Timplo.

Daniel 3:14

Inkuantod sikara, “Sadrac, Mesac, tan Abednego, tua ya ag yo labay so mangigalang ed dios ko tan ag yo labay so ondakmomon mangigalang ed samay talintaon impaalagey ko?

Sofonias 2:11

Taktakoten ira na Katawan. Pagmaliwen ton andi-kakanaan iray diriyos ed tapew na dalin, et balang bansa galangen toy Katawan diad dilin dalin to.

Puyan 18:2

Ineyaeyag to, “Naplag la! Naplag lay makapanyarin Babilonia! Nagmaliw ya ayaman natan na saray dimonyo, prisowan na saray maoges ya ispiritu, tan obung na amin a klasiy marotak tan makapaingungot a manok.