Jeremias 50:19 - Maung A Balita Biblia

¹⁹ Papawilen kod dalin da iray totood Israel. Pantagano da ray bunga na tanaman ya ontutubod Palandey na Carmelo tan diad pasen na Basan, tan kanen day labalabay da ed saray tanaman ya ontutubo ed dalin na Efraim tan dalin na Galaad.

Maung a Balita Biblia

¹⁹ Papawilen kod dalin da iray totood Israel. Pantagano da ray bunga na tanaman ya ontutubod Palandey na Carmelo tan diad pasen na Basan, tan kanen day labalabay da ed saray tanaman ya ontutubo ed dalin na Efraim tan dalin na Galaad.

Jeremias 50:19 Iomraidhean Croise

Esdras 2:1

Dakerakel ed saray nibantak ed luyag na Babilonia so pinmawil ed Jerusalem tan diad Juda; pinmawil so balang sakey ed sikara diad dilin baley to. Saray pamilya da ra ya et nanaayam la ran nibantak ed Babilonia nanlapu lad impanakep nen Ari Nabucodonosor ed sikara.

Kanta nen Solomon 6:5

Ag mo inenengneng ed siak iray matam; ompepeket irad siak kanyan ag ak makagalaw. Saray buek mo et singa olup na kanding a manggagalaw ed alusadsar na kapokdulan na Galaad.

Isaias 33:9

Ataynan so dalin kanyan anggapoy onkitakitaw. Amagaan so takel na Libano, nagmaliw a singa kalawakan so patar na Saron, tan mampagpag iray bulong na kakiewan ed Basan tan diad Palandey na Carmelo.

Isaias 35:2

Mankanta tan maneyag ed liket so kalawakan; magmaliw a marakep a singa Saray Palandey na Libano tan mataba a singa saray kaalogan na Carmelo tan Saron. Nanengneng na balang sakey a too so kagalangan na Katawan, say inkatalonggaring to tan say pakapanyari to.

Jeremias 23:3

Tiponen ko ray totook ya akeraan manlapud saray bansan angikay-kayatan kod sikara, tan ipawil ko rad dilin dalin da. Nawalaan iray amayamay ya anak tan ondakel so bilang da.

Jeremias 3:18

Mikasakey ed satan so Israel ed Juda, insan manolup iran manlapud dalin ya akadakepan da diad baybay, tan onla rad dalin ya inter kon andi-anggaan a kayaryan na saray lalaki yo.”

Jeremias 30:10

“Totook, ag kayo natatakot; totood Israel, ag kayo nasesegawan. Iyagel ta kayod saman ya arawin lugar, diad saman a dalin ya akaprisoan yo. Ompawil kayod dalin yo tan manayam kayod man a walay kareenan; niarawi kayod kaatapan, tan anggapoy manaktakot ed sikayo.

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Jeremias 30:7

Onsasabi so sakey a makapataktakot ya agew; anggapoy agew a makapipara ed sikato— sikatoy panaon a kagunigon na saray totook, balet nayarian dan agwantaan.”

Jeremias 31:14

Peneken ko na mananam a kakanen iray papari, tan iter koy amin a nakaukolan na saray totook. Siak, say Katawan, so nansalita.”

Jeremias 31:25

Pasimbaloen koy liknaan da ray mapagpaga, tan peneken koy kakanen iray makapkapoy lad eras.

Jeremias 31:6

On, onsabiy agew a saray managbantay ikolyaot dad toktok na kapokdulan na Efraim, ‘Ontatdang itayod Sion, diad Katawan a Dios tayo.’”

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Jeremias 46:27

“Sikayo ran totook, ag kayo natatakot, totood Israel, ag kayo ontatalaw. Iyagel ta kayo ed saman ya araw-dawin pasen, diad saman a dalin ya akaprisoan yo. Ompawil kayod dalin yo, tan mareen so panayam yo; niarawi kayod kaatapan, tan anggapo lay manaktakot ed sikayo.

Jeremias 50:6

“Singa abalang a karniro iray totook; saray pumapastol da pinaolyan da ran abalang ed kapalandeyan. Nanakar-akar irad nandoroman palandey, kanyan alingwanan da la no iner so kawalaay abung da.

Ezekiel 11:17

“Kanyan ibagam ed sikara so ibabagak, siak a Katawan a Dios. Tiponen ko ra manlapud saray bansan angitayakan kod sikara, tan ipawil kod sikaray dalin na Israel.

Ezekiel 36:24

Alaen ta kayo ed balang bansa tan ipawil ta kayo ed dilin dalin yo.

Ezekiel 36:33

Say Katawan a Dios kuanto, “No alinisan ta kayo lad saray kasalanan yo, panayamen ta kayo lamet ed saray siudad yo tan paapiger kod sikayo iray aderal-deral.

Ezekiel 38:8

Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.

Ezekiel 47:18

“Say ketegan ed bokig et mampaabalaten a manlapud sakey a tanda a walad nanleetan na dalin na Damasco tan say dalin na Hauran, tan say Ilog na Jordan so ketegan ed nanleetan na dalin na Israel diad sagur tan say dalin na Galaad diad bokig, ya anggad Tamar diad Inatey a Dayat.

Mikias 7:14

Katawan, sika pay mampastol ed saray totoon pinilim. Anggan manaayam iran mambukbukor ed kalawakan, walay mataban dalin ed kaliber-liber da. Ipaarap mo pa ran mangan ed saray malambut a pastolan ed Basan tan Galaad a singa ginagawa ra nen saman.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Zacarias 10:10

Pasempeten ko ran manlapud Egipto tan Asiria tan manayam ira ed dilin bansa ra. Panayamen ko ra met ed Galaad tan diad Libano; napano na totoo so intiron dalin.

Saray Bilang 32:1

Saray tribu di Ruben tan Gad et dakerakel so baka ra. Nen anengneng dan balibalin pampastolan na baka so dalin na Jazer tan Galaad,

Josue 17:15

Inmebat si Josue, “No dakerakel kayo tan meleg a para sikayo so kapokdulan a pasen na Efraim, laka yod katakelan tan manlinis kayod man na dalin diad kawalaan da ray Perezeo tan saray Refaim.”