Jeremias 50:10 - Maung A Balita Biblia

¹⁰ Nasamsaman so Babilonia, tan alaen day amin a labalabay da iray mansamsam. Siak, say Katawan, so nansalita.”

Maung a Balita Biblia

¹⁰ Nasamsaman so Babilonia, tan alaen day amin a labalabay da iray mansamsam. Siak, say Katawan, so nansalita.

Jeremias 50:10 Iomraidhean Croise

Isaias 33:4

Nadopagan tan nasamsam iray kayaryan da.

Isaias 45:3

Itdan ta ka na saray kayamanan a manlapud saray ambilonget tan maamut a pasen; naamtaan mod satan a siak so Katawan, say Dios na Israel ya anawag ed sika ed ngaran mo.

Jeremias 25:12

Kayari tod satan dusaen koy Babilonia tan say ari to lapud saray kaogsan da. Deralen ko man a bansa tan paolyan kon aderal-deral ya anggad angga.

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Jeremias 50:26

Manlapud amin a dapag dogpaan yoy Babilonia tan lokasan yo ray pasen ya akaisinupan na saray trigo! Ibunton yon singa abunton a trigo iray nasamsam yo! Deral yoy bansa! Ag kayon balut mangikekera na antokaman!

Jeremias 50:37

Patey yo ray kabayo to tan deral yo ray karwahi to! Patey ed saray inoopaan ton sondalo— agaylay kapoy da! Deral yo ray kayamanan to; akokos tan samsam yo ra.

Jeremias 51:24

Say Katawan kuanto, “Naimatunan yoy paningil kod Babilonia tan saray totoo to, lapud amin a kaogsan a ginagawa ra ed Jerusalem.

Jeremias 51:35

Ibaga komun na saray taga Sion, “Ebatan komun na Babilonia so duksan ginagawa tod sikatayo!” Ibaga komun na saray taga Jerusalem, “Ebatan komun na Babilonia so kairapan a nilikna tayo!”

Ezekiel 11:24

Diad sayan pasingayew, inyatagey ak na ispiritu na Dios tan impawil to ak ya inyakar ed Babilonia a nibantakan mi. Insan naandi la may pasingayew.

Habacuc 2:8

Sinasamsaman yo ray totood amayamay a bansa, balet natan saray akapaliis ed patey et samsaman da kayo, lapud saray impanpapatey yo na totoo tan lapud inkaruksa yod saray totood mundo tan diad saray siudad to.

Puyan 17:16

Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.