Jeremias 5:9 - Maung A Balita Biblia

⁹ Ag ko nepeg iran dusaen lapud sarayan amin a gagawaen da? Ag ko nepeg so ombales ed bansa a singa saya?

Maung a Balita Biblia

⁹ Ag ko nepeg iran dusaen lapud sarayan amin a gagawaen da? Ag ko nepeg so ombales ed bansa a singa saya?

Jeremias 5:9 Iomraidhean Croise

Probirbio 6:29

Onya so nagawa no miakdul so sakey a laki ed asawa na arum a laki. Nadusa so siopaman a manggawa ed saya.

Isaias 1:24

Kanyan dengel yo natan so ibabaga na Katawan a Makapanyarin-amin, say Makapanyarin Dios na Israel, “Ombawi ak ed sikayo ran kalaban ko, et ag yo ak lad satan nasigensigen.

Isaias 57:6

Mangaala kayod man na saray pino-pinon bato, insan igagalang yo ran diriyos. Iibungan yo ra na alak a pinagkabagat ed sikara tan iyaakaran yo ra na saray bagat a trigo. Abaloan yon napapaliket yo ak ed saraya?

Jeremias 23:2

Sikato yay kuan na Katawan a Dios na Israel nipaakar ed saray manoley a sikara komuy angasikasod saray totoo to, “Intaytayak yo ray totook tan pinataynan yo ra; ag yo ra inasikaso. Dusaen ta kayo natan lapud saray maoges a ginagawa yo.

Jeremias 32:31

Impanpasnuk to ak na mapalalo yan siudad nanlapu lad agew na inkipaalagey to. Ginetmak lan paandipaten,

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Jeremias 5:10

Ibakik iray kalaban ta batangen da ray kaubasan da, balet aliwan sigput so paneral dad sikara. Ibagak ed sikara ya ekalen da ray sanga-sanga, ta ag ko kayaryan ira man a sanga-sanga.

Jeremias 5:29

“Balet siak, say Katawan, dusaen ko ra lapud saraya: ombawi ak ed sayan bansa.

Jeremias 6:11

Napno ak na sanuk mo, Katawan, tan naooputan ak lay anos a mamokpok ed sanuk mo.” Insan inkuan na Katawan ed siak, “Idapom so sanuk ko ed saray ogogaw a walad daladalan tan diad pantitiponan da ray tobun-balo. Nadakep iray asawan lalaki tan saray asawan bibii, tan anggan saray mamatakken lan maung.

Jeremias 6:6

Say Katawan a Makapanyarin-amin ingganggan to ra yan arari a mambatang iray kakiewan tan mambunton iray dalin, pian nakobkob day Jerusalem. Impasakbay to la nen saman, “Dusaen ko yan siudad lapud napno na panagpairap.

Jeremias 9:8

Singa makapatey a pana iray dila ra; tila lawas so sasalitaen da. Maumaung so panagsalita na balang sakey ed kapara ton too, balet diad tuay tua sisiliban to.

Jeremias 9:9

Ag ko ra dusaen lapud sarayan bengatla? Ag ak ombawi ed bansan singa onya? Siak, say Katawan, so nansalita.”

Saray Tagleey 3:42

“Nankasalanan tan linmaban kami, et ag mo kami pinirdona, O Katawan.

Saray Tagleey 4:22

Nambayar lay Sion na kasalanan to; ag kami la nibantak ed arum a bansa. Balet sika Edom, dusaen ka na Katawan; ibawag toy kasalanan a gagawaen mo.

Ezekiel 7:9

Ag ta kayo pirdonaen odino kasian. Dusaen ta kayo lapud saray makapaingungot a ginagawa yo, pian naamtaan yo a siak so Katawan tan siak so manudusad sikayo.”

Oseas 2:13

Dusaen ko lapud saray panaon ya inkaindan to ak, ta nampopool ed Baal na insinso tan insosolung to ray alahas pian naayat to ray kainarowan to. Say Katawan so nansalita.

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Levitico 18:25

Lapud saray kagagawa ra dinotakan da so dalin da, kanyan say Katawan dudusaen to so dalin tan gagawaen ton pagiten na sayan dalin iray totoon manaayam diman.

Levitico 26:25

Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Nahum 1:2

Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

Deuteronomio 32:35

Say Katawan ombawi tan dusaen to ra; onsabiy panaon a natumba ra; asingger lay agew na ipatey da.

Deuteronomio 32:43

“Sikayo ran bansa, nepeg yon idayew iray totoo na Katawan— dusaen to ray mamatey ed sikara. Ombawid saray kalaban to tan pirdonaen to ray kasalanan da ray totoo to.”