Jeremias 5:31 - Maung A Balita Biblia

³¹ saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?”

Maung a Balita Biblia

³¹ saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?

Jeremias 5:31 Iomraidhean Croise

1 Saray Arari 22:6

Impantitipon sirin nen Acab iray propita a sakey ya apat a lasus ira tan tinepet tod sikara, “Laen kon dogpaan so Ramot-galaad odino andi?” “Dogpaan mo,” ebat da. “Panaloen ka na Katawan.”

Probirbio 17:4

Saray totoon maoges ondedengel ed saray maoges a kanunotan tan saray matila ondedengel ira ed saray tila.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Isaias 20:6

No onsabiy tan a panaon, ibaga na saray totoon manaayam ed gilig na dayat na Filistia, ‘Nengneng yoy agawad saray totoo a nanmatalekan tayon mangyagel ed sikatayod impirador na Asiria! Panoy pakaliktar tayo?’”

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Isaias 43:27

Say sankaonaan a lakim et nankasalanan; nankasalanan ed siak iray pangulom,

Isaias 47:7

Abaloan mo a sika lawas so riyna, tan ag mo inngalngalep ira yan bengatla; ag mo anggan ninunot no kapigay pangangga ra.

Jeremias 12:4

Kapigay itonda na sayan inkamagaay dalin mi, tan say inkalenes na karikaan ed kaalogan? Ompapatey iray ayayep tan saray manok, lapud kaogsan na saray totoon manaayam ed sayan dalin, ya ibabaga ra, ‘Ag nanenengneng na Dios so gagawaen mi.’”

Jeremias 14:14

Balet inmebat so Katawan, “Saray propita mantitila ra ed ngaran ko; ag ko ra imbaki, odino ingganggan, odino akisalitaan. Ag nanlapud siak iray pasingayew a sasalitaen da; andi-kakanaan iray pasakbay a ninudnunot da.

Jeremias 26:7

Saray papari, saray propita, tan amin a totoo et nadngel da ak a nansalita na sarayan bengatla diad dalem na Timplo,

Saray Tagleey 1:9

Sankanengneng so inkarotakan to, balet anggapoy walad sikato so agawad sikato. Makapasinagem so inkaplag to; anggapoy manligliwad sikato. Analo ray kalaban to, tan kekerewen to a kasian na Katawan.

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Saray Tagleey 4:18

Babantayan kami na kalaban; ag kami anggan makakar ed saray dalan. Sinmabi lay oras mi, sinmabi lay anggaan mi.

Ezekiel 13:10

“Papalikdoen na saray propita iray totook diad pangibabaga ran maung ya amin so pansumpalan. Balet petepeteg ya aliwan maung so pansumpalan! Aliwan malet a padir so impaalagey na saray totook, insan sinmabi ray propita tan tinapalan da na dena.

Ezekiel 13:6

Tila ray pasingayew tan saray pasakbay da. Ibabaga ra a saray salitak so ibabawag da, balet diad tuay tua ag ko ra imbaki. Balet iilaloan dan ontua ray salita ra.

Ezekiel 22:14

Abaloan mo wala niy nakdaan a biskeg na linawam odino wala niy biskeg mon mangitagey na limam no dusaen ta ka? Siak a Katawan so nansalita, tan totooren koy imbagak.

Oseas 4:9

Nadusa kayo met a singa kadusa da ray totoo! Dusaen ta kayo tan singilen ta kayod saray maoges a gagawaen yo.

Oseas 6:10

Akanengneng ak na makapataktakot a bengatla ed Israel: Dinotakan na saray totook so sikaran dili onung ed ganggan diad pangigagalang dad saray talintaoy diriyos.

Oseas 9:5

Et antoy gawaen da no onsabiy panaon a nigetar a pansilibrad saray pista a pamagalang ed Katawan?

Mikias 2:11

“Say labay na sarayan totoo et say propitan manakar-akar a tila-tilaan tan palpalikdoen to ray totoo a kuanto, ‘Ipapasakbay kon nawalaan kayo na daakan ya alak tan mabayanin iinomen.’

Mikias 2:6

Saray totoo pupulongan da ak a kuanda, “Ag mo kami pupulongan. Ag mo tan ipupulong ed sikami. Say Dios et ag to kami ipelag ed kababaingan.

Mikias 3:11

Manaawat na pasoksok ed panooley da iray pangulo na siudad, miuupa ray papari ed pangipapatalus day Ganggan, tan pababayaran iray propita ed pangipapaamta ra na saray puyan da. Et ibabaga ran amin a walad sikara so Katawan. “Anggapoy onsabin deral ed sikami,” kuanda. “Say Katawan et walad sikami.”

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Deuteronomio 32:20

Inkuanto, ‘Ag ko la ra tulongan; nengnengen kod satan no antoy nagawa ed sarayan anawet so olo tan aliwan matoor a totoo.

Deuteronomio 32:29

Ag da nanengneng so makasengeg na inkatalo ra; ag da natalusan so kabaliksan na inkagawa ra.