Jeremias 5:10 - Maung A Balita Biblia

¹⁰ Ibakik iray kalaban ta batangen da ray kaubasan da, balet aliwan sigput so paneral dad sikara. Ibagak ed sikara ya ekalen da ray sanga-sanga, ta ag ko kayaryan ira man a sanga-sanga.

Maung a Balita Biblia

¹⁰ Ibakik iray kalaban ta batangen da ray kaubasan da, balet aliwan sigput so paneral dad sikara. Ibagak ed sikara ya ekalen da ray sanga-sanga ta ag ko kayaryan ira man a sanga-sanga.

Jeremias 5:10 Iomraidhean Croise

2 Saray Awaran 12:4

Adakep to ray aliber na padir a siudad na Juda tan linma ya anggad Jerusalem.

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Jeremias 2:21

Intanem ta kan singa pinilin wakal na ubas, singa sankaabigan a bini. Balet nengneng mo no antoy nansumpalan mo! Nagmaliw kan aboluk tan andi-kakanaan a wakal na ubas.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 30:11

Laen ta kayon iyagel. Deralen kon amin iray bansan angikayatan kod sikayo, balet ag ta kayo deralen. Ag ko abuloyan ya ag kayo nadusa; balet no dusaen ta kayo, gawaen ko onung ed katonungan. Siak, say Katawan, so nansalita.”

Jeremias 39:8

Legan to ya, pinoolan na saray taga Babilonia so palasio ed Jerusalem tan saray abung na totoo, tan inggegeba da ray padir na Jerusalem.

Jeremias 4:27

Imbaga na Katawan a magmaliw ya andi-kakanaan so intiron mundo, balet ag to deralen a sigput.)

Jeremias 46:28

Dagoen ta kayo, ta iyagel ta kayo. Deralen koy amin a bansa ya angikaykayatan kod sikayo, balet ag ta kayo deralen. Andi-saew ya abuloyan kon nadusa kayo; balet no dusaen ta kayo, gawaen ko onung ed katonungan. Siak, say Katawan, so nansalita.”

Jeremias 5:11

Sigput so ag panisiad siak na saray totood Israel tan Juda. Siak, say Katawan, so nansalita.”

Jeremias 5:18

Say Katawan kuanto, “Anggaman ontan, diad saratan ya agew ag ko sigput a deralen iray totook.

Jeremias 5:9

Ag ko nepeg iran dusaen lapud sarayan amin a gagawaen da? Ag ko nepeg so ombales ed bansa a singa saya?

Ezekiel 12:16

Iyabuloy kon pigarad sikara so ag ompatey ed bakal, eras, tan sakit, pian diad panayam dad saray arum a bansa et nabirbir da ya ontan lan makapaingungot so ginagawa ra tan akoen da a siak so Katawan.”

Ezekiel 14:17

“Nayarin mangipadalan ak na bakal ed saman a bansa tan mangibaki ak na saray armas a mamaandid saray totoo tan saray ayayep to;

Oseas 1:9

Say Katawan kuantod kinen Oseas, “Ingaran mo so anak mo na ‘Aliwan-Took,’ ta ag ko totoo iray totood Israel, tan aliwan siak so Dios da.”

Amos 9:8

Siak, say Katawan a Dios, et babantayan ko yan makasalanan a nanarian na Israel, tan deralen kod tapew na dalin. Balet ag ko deralen ya amin iray kabyangay boleg nen Jacob.

Mateo 22:7

Mapalaloy pasnuk to may ari. Imbaki to ray sondalo to tan pinatey da met iray amatey ed saramay aripen, insan da pinoolay siudad da.