Jeremias 49:7 - Maung A Balita Biblia

⁷ Sikato yay inkuan na Katawan a Makapanyarin-amin nipaakar ed Edom: “Naandian ta lay kakabatan iray taga Edom? Ag ta la nibaga na saray sumisimbawa ra so nepeg dan gawaen? Naandipat ta lay intiron kakabatan da?

Maung a Balita Biblia

⁷ Sikato yay inkuan na Katawan a Makapanyarin-amin nipaakar ed Edom: Naandian ta lay kakabatan iray taga Edom? Ag ta la nibaga na saray sumisimbawa ra so nepeg dan gawaen? Naandipat ta lay intiron kakabatan da?

Jeremias 49:7 Iomraidhean Croise

Genesis 25:30

inkuantod kinen Jacob, “Narnarasan ak; itdan mo ak pa tay ambalangan ilalambung mo.” (Kanyan angaranan met na Edom si Esau.)

Genesis 27:41

Binosul nen Esau si Jacob lapud sikatoy angiteran na ama ra na samay bindision. Inkuanen Esau ed sikaton dili, “Asingger lay ipatey nen amak tan say panermen ed sikato; kasumpal to ya, pateyen koy Jacob.”

Genesis 32:3

Angibakiy Jacob na totoo to ed kinen agi ton Esau diad dalin na Edom.

Genesis 36:15

Sikara yay tribu a say sengeg da et si Esau. Si Elifaz, a pangulowan a lakin anak nen Esau, so sengeg na sarayan tribu: Teman, Omar, Zefo, Kenaz,

Genesis 36:8

Nanayam si Esau ed kapokdulan na Edom.

1 Saray Awaran 1:53

Kenaz, Teman, Mibzar,

Say Libro nen Job 2:11

Say paniirap nen Job abalitaan na saray taloran kakaaro to a di Elifaz a taga Teman, Bildad a taga Sua, tan Zofar a taga Naaman. Nampapakna ran talo a bisitaen day Job, ta ligliwaen da.

Say Libro nen Job 4:1

Inkuanen Elifaz a taga Teman:

Saray Salmo 137:7

Nunot mo pa, Katawan, so ginagawa da ray Edomita, nen agew ya adakep so Jerusalem. Nunot mo may imbabagbaga ra, “Geba yo ya anggad pundasion to!”

Isaias 21:11

Sikato yay propisiya a nipaakar ed Edom. Walay nanlapud Edom ya ontatawag ed siak, “Guardia, mabayag niy labi? Magano lay isabiy kabwasan?”

Isaias 29:14

Kanyan pakelawen ko ra yan totoo diad panggawak ed sikara na mantotombukan a pakelaw. Saray makabat magmaliw iran makulang-kulang, tan say inkasilib da magmaliw ya andi-kana.”

Jeremias 12:14

Say Katawan kuanto, “Walay ibagak nipaakar ed saray bansan maoges a kaabay na Israel. Sikaray nanderal ed dalin ya inter kod saray totook ya Israel. Pataynanen kon singa abagut a tanaman ira yan totoon maoges ed saray bansa ra, tan ekalen koy Juda ed pakaoley da.

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 49:20

Kanyan dengel kayod implanok sumpad saray taga Edom, tan say ginetmak a gawaen ed saray totoon manaayam ed siudad na Teman. Nagayugoy iray anggan ankekelag ya anak da, tan nataktakot so balang sakey ed sikara.

Jeremias 8:9

Abaingan iray makabat yon totoo; ag da amtay gawaen da tan apatitan ira. Impolisay da ray salitak; anton kakabatan so walad sikara natan?

Saray Tagleey 4:21

Manliket tan manggayaga kayo, sikayon taga Edom tan Uz. Onsabi met ed sikayoy deral, mandongilngil kayo met a manakar-akar ya anggapoy kawes.

Ezekiel 32:29

“Wadman so Edom, a pati saray arari tan saray manoley to. Makapanyari ran sondalo nen saman, balet natan akarokul irad ayaman da ray inaatey a kaiba da ray totoon ag asegat ya apatey ed bakal.

Daniel 11:41

Looban toy anggan say Nisipan a Dalin tan pateyen toy nilibon totoo, balet makabatik iray totood bansa na Edom, Moab, tan saray nakdaan ed Ammon.

Joel 3:19

“Magmaliw a disirto so Egipto, tan magmaliw a dalin ya aderal-deral so Edom, lapud dinogpaan day dalin na Juda tan pinapatey da ray totoo ton anggapoy kasalanan.

Habacuc 3:3

Onsasabi lamet a manlapud Edom so Dios; onsasabin manlapud kapokdulan na Paran so masanton Dios. Akobutan na kagalangan to so katawenan, tan napno na dayew to so sankamundoan.

Deuteronomio 23:7

“Ag yo bobosulen iray Edomita, ta kakanayon yo ra. Ag yo met bobosulen iray Egipsio, ta nanayam kayod man nen saman ed dalin da.