Jeremias 49:1 - Maung A Balita Biblia

¹ Sikato yay inkuan na Katawan nipaakar ed Ammon: “Iner so kawalaan da ray lalaki na Israel? Anggapo ta lad sikaray mangyagel ed dalin da? Akin et inabuloyan da ray totoon manangigalang ed dios a Moloc a sakopen day dalin na tribu nen Gad tan manayam irad man?

Maung a Balita Biblia

¹ Sikato yay inkuan na Katawan nipaakar ed Ammon: Iner so kawalaan da ray lalaki na Israel? Anggapo ta lad sikaray mangyagel ed dalin da? Akin et inabuloyan da ray totoon manangigalang ed dios a Moloc a sakopen day dalin na tribu nen Gad tan manayam irad man?

Jeremias 49:1 Iomraidhean Croise

Genesis 19:38

Nananak met na laki may yogtan, tan inngaran to na Benami; sikatoy sengeg ya anggad natan na saray Ammonita.

2 Saray Arari 10:33

diad bokig na Jordan, ya anggad mampaarap ed abalaten diad baley na Aroer ya abay na Ilog na Arnon—pati dalin na Galaad tan Basan a panaayaman na saray kabyangay tribu di Gad, Ruben, tan Bokig a Manases.

2 Saray Arari 24:2

Say Katawan angibaki na saray olup na saray sondalon taga Babilonia, Siria, Moab, tan Ammon, ta labanan day Joakim tan deralen day Juda, onung na gawaen na Katawan ya imbaga to diad panamegley na saray aripen ton propita.

2 Saray Awaran 20:1

Ag abayag saray sondalo na Moab tan Ammon, pati saray kagampi ran Meunita, et nilooban day Juda.

2 Saray Awaran 20:23

Saray Ammonita tan saray Moabita et dinogpaan da ray sondalon Edomita tan pinapatey da ran amin. Kayari to ya sikaran diliy nanlalaban na pinasya.

Nehemias 2:19

Balet nen nadngelan di Sanbalat, Tobias, tan Gesem ya Arabe so plano min gawaen, inelekelekan tan niluludlurey da kami. Inkuanda, “Anto tay gagawaen yo? Labanan yo la sirin so impirador?”

Nehemias 4:7

Nen nadngelan di Sanbalat, Tobias, tan saray totood Arabia, Ammon, tan Asdod ya itutuloy mi so pangipapaalagey lamet ed padir na Jerusalem tan napansasaip mi la ray nagnagba, pinmetang a maung so olo ra.

Saray Salmo 83:7

saray taga Gebal, Ammon, tan Amalec; saray taga Filistia tan Tiro.

Saray Salmo 9:6

Angga lad angga ya aderal iray kalaban mi. Dineral mo ray siudad da, tan sigput la ran alingwanan.

Jeremias 12:14

Say Katawan kuanto, “Walay ibagak nipaakar ed saray bansan maoges a kaabay na Israel. Sikaray nanderal ed dalin ya inter kod saray totook ya Israel. Pataynanen kon singa abagut a tanaman ira yan totoon maoges ed saray bansa ra, tan ekalen koy Juda ed pakaoley da.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 27:3

Insan say Katawan imbaga tod siak a paibagak ed saray ararid Edom, Moab, Ammon, Tiro, tan Sidon diad panamegley na saray ibabaki ra a wala ra natan ed Jerusalem, ta mitongtong irad kinen Ari Sedekias.

Jeremias 48:1

Sikato yay inkuan na Katawan a Makapanyarin-amin nipaakar ed Moab: “Kaskasian iray totoo ed Nebo— aderal so baley da! Adakep so Kiryataim, ageba so mabiskeg a tirinsira to, tan abaingan ed kababaingan iray totoo to;

Jeremias 49:23

Sikato yay inkuan na Katawan nipaakar ed Damasco: “Natatakot tan mapagpaga iray taga siudad na Hamat tan Arfad lapud akadngel iray maoges a balita. Singa dayat ya ontatabun ed sikara so kapagaan, tan ag ira makapainawa.

Jeremias 49:28

Sikato yay propisiya na Katawan nipaakar ed tribu nen Kedar tan saray pasen ya ooleyan nen Hazor, a tinalo ra nen Ari Nabucodonosor na Babilonia: “Laka, ta dogpaan mo ray totood Kedar; deral mo so tribu na saray totoon taga bokig!

Jeremias 49:7

Sikato yay inkuan na Katawan a Makapanyarin-amin nipaakar ed Edom: “Naandian ta lay kakabatan iray taga Edom? Ag ta la nibaga na saray sumisimbawa ra so nepeg dan gawaen? Naandipat ta lay intiron kakabatan da?

Ezekiel 21:25

“Sikan maoges tan nisamba a manoley na Israel, onsasabi lay agew na kaonuran a pakadusam.

Ezekiel 25:1

Say Katawan akisalitad siak.

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

Deuteronomio 2:19

Asingger kayo lad satan ed dalin da ray Ammonita, saray kabyangay boleg nen Lot. Ag yo ra gugunigonen; ag yo igagapoy mibakal ed sikara, lapud ag ta kayon balut itdan na parti na dalin ya inter ko lad sikara.’” (

Deuteronomio 23:3

“Ag nayarin mikasakey ed saray totoo na Katawan so siopaman ya Ammonita odino Moabita odino siopaman a kabyangan na boleg da ya anggad kumaplon kailalakan.

Deuteronomio 23:4

Ag da kayo initdan na kanen tan inomen nen mankukurang kayo a nanlapud Egipto, tan inupaan day Balaam a lakin anak nen Beor, tan taga siudad na Petor na Mesopotamia, ya isamba to kayo.