Jeremias 48:8 - Maung A Balita Biblia

⁸ Anggapoy anggan sakey a baley a makapaliis ed panagderal; naderal iray patar tan kaalogan. Siak, say Katawan, so nansalita.

Maung a Balita Biblia

⁸ Anggapoy anggan sakey a baley a makapaliis ed panagderal; naderal iray patar tan kaalogan. Siak, say Katawan, so nansalita.

Jeremias 48:8 Iomraidhean Croise

Jeremias 15:8

Ginawak a dakel nen saray buer ed gilig na dayat iray bibiin balo a kadalaan yo. Pinatey ko ray anak yo nen kabisbiskegan da; impanliknak na kairapan iray kainaan da. Bengatbengat ko ran pinaermen tan pinatakot.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 48:18

Sikayon manaayam ed Dibon, epas kayod tad pasen a kawalaay kagalangan yo tan yorung kayod dabuk; wadya lay managderal na Moab, tan dineral to ray tirinsira to.

Jeremias 51:56

Sinmabi ran maneral ed Babilonia; adakep iray sondalo na Babilonia, tan apoter-poter iray pana ra. Siak so Dios a manudusad kaogsan, tan dusaen ko so Babilonia onung ed kanepegan to.

Jeremias 6:26

Say Katawan kuanto ed saray totoo to, “Mansolung kayoy sako tan mantolin-tolin kayod dapul. Manermen kayon singa panermen yod saksakey ya anak yon laki, akis kayo na ampaipait, ta biglan dogpaan kayo na manderal ed sikayo.

Ezekiel 25:9

abuloyan kon saray siudad a mangyaagel na ketegan na Moab et nadogpaan, a pati saray manona a siudad to a Bet-jesimot, Baal-meon, tan Kiryataim.

Josue 13:17

Sakop to met so Hesbon tan amin iray siudad ed niatagey a patar; Dibon, Bamot-baal, Bet-baalmeon,

Josue 13:21

Sakop to met iray amin a siudad ed niatagey a patar tan say intiron nanarian nen Ari Sehon ya Amorreo a nanoley ed Hesbon. Tinalo nen Moises si Sehon tan saray manoley ed Madian a di Evi, Rekem, Zur, Hur, tan Reba. Amin da ra ya et wala rad silong na pakaoley nen Ari Sehon.

Josue 13:9

Sakop na dalin da so anggad Aroer (a walad gilig na patar na Arnon) tan say siudad ed pegley na saman a patar tan sakop to met so intiron niatagey a patar manlapud Medeba ya anggad Dibon.