Jeremias 48:44 - Maung A Balita Biblia

⁴⁴ Siopamay ibatikan toy takot napelag ed saray abut, tan siopamay makaagwat ed saray abut naalad saray patit, ta ingganak lay panaon na pakaderal na Moab.

Maung a Balita Biblia

⁴⁴ Siopamay ibatikan toy takot napelag ed saray abut, tan siopamay makaagwat ed saray abut naalad saray patit, ta ingganak lay panaon na pakaderal na Moab.

Jeremias 48:44 Iomraidhean Croise

1 Saray Arari 19:17

Siopamay ag napatey nen Hazael pateyen nen Jehu, tan siopamay ag napatey nen Jehu pateyen nen Eliseo.

1 Saray Arari 20:30

Saray ag apatey batik irad siudad na Afek, et apataan diman na saray padir na siudad iray duamplo tan piton libo ed sikara. Batik met ed loob na siudad si Ben-hadad, tan inmamut ed kuartod beneg na sakey ya abung.

Isaias 10:3

Antoy gawaen yo no dusaen kayo na Dios? Antoy gawaen yo no iyakar tod sikayoy deral a manlapud arawin bansa? Iner so batikan yon kereway tulong? Iner so pangyamutan yo na saray kayamanan yo?

Isaias 24:17

Dengel yo ak, amin yon totoo! Wala ray pakatak-takotan, walay ray abut, tan wala ray patit ya imparaan para sikayo.

Isaias 24:18

Siopamay nibatikan toy pakataktakotan napelag ed abut, tan siopamay napaliisan toy abut naerel ed patit. Onoran na mapmaples tan nagalaw iray pundasion na dalin.

Jeremias 10:15

Andi-kakanaan ira, tan kanepegan day balawen; naderal ira no onsabin maneral ed sikara so Katawan.

Jeremias 11:23

Anggapod sikaray nakeraan no onsabiy panaon ya inggetar kon panusak ed saray totood Anatot.”

Jeremias 16:16

Say Katawan kuanto, “Mangibaki ak na saray amayamay a sumisigay a mangerel ed sarayan totoo. Insan mangibaki ak na saray amayamay ya umaanup a manganup ed sikara diad palandey tan pokdul, tan anggan diad saray abut ed saray ankakabaleg a bato.

Jeremias 23:12

Andanglel tan ambilonget so dalanen da; pakaronyasen tan patumbaen ko ra. Iyakar kod sikaray deral; onsasabiy panaon na kadusa ra. Siak, say Katawan, so nansalita.

Jeremias 46:21

Anggan saray uupaan to ran sondalo et singa ra bakan anggapoy nitulong. Ag ira inmalagey a linmaban; pinmoliktar iran amin tan batik ira. Sinmabiy agew na pakadusa ra, say oras na kaderal da.

Jeremias 49:8

Totood Dedan, poliktar tan batik kayo! Amut kayo! Deralen ko ray kabyangay boleg nen Esau, lapud sinmabi lay oras na panusak ed sikara.

Jeremias 50:24

Babilonia, narel kad impatit kod sika, anggaman ya ag mo amta. Arumog ka tan narel ka, lapud linmaban kad siak.

Jeremias 50:27

Patey yo ray amin a sondalo ra! Patas yo ra! Pangaskasiyan iray taga Babilonia! Sinmabi lay panaon na panusad sikara!” (

Jeremias 51:18

Andi-kakanaan ira kanyan nepeg day balawen; ompatey ira no onsabiy agew na panusay Katawan ed sikara.

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Saray Tagleey 3:47

Dinalan kami la na deral tan desyang; mambibilay kamin walad kaatapan tan takot.

Oseas 9:7

Sinmabi lay panaon na dusa, say panaon ya awaten na saray totood Israel so kanepegan dan dusa. No nagawa la ya, naamtaan na Israel! “Sayan propita,” kuanyo, “et makulang-kulang. Ambagel yan toon apuyanan na ispiritu.” Mapalaloy pambobosul yod siak lapud ambelat lan tuloy so kasalanan yo.

Amos 5:19

Saman ya agew et aliling toy toon ibabatikan toy lion balet ta nabet toy uso! Odino singa toon kasempet tod abung et inkapa tod padir so lima to, balet kinetket na oleg!

Mikias 7:4

Anggan say sankamaungan tan sankatonungan ed sikara et singa la andi-kakanaan a dika. Sinmabi lay agew a dusaen na Dios iray totoo, onung na pasakbay ed sikara na saray managbantay ed sikara, salanti saray propita. Agolo-golo la ra natan.