Jeremias 48:42 - Maung A Balita Biblia

⁴² Naderal so Moab tan magmaliw ya aliwa lan bansa, lapud linmaban ed siak.

Maung a Balita Biblia

⁴² Naderal so Moab tan magmaliw ya aliwa lan bansa, lapud linmaban ed siak.

Jeremias 48:42 Iomraidhean Croise

Probirbio 16:18

Say panagpaatagey mansusumpal ed kaderal, tan say panaglastug, diad katumba.

Isaias 16:14

Balet natan say Katawan kuanto, “Diad loob na dugarugan taloy taon, naandipat so baleg a kayamanan na Moab. Dagdaiset so nakeraan ed saray amayamay a totoo to, tan nakapoyan ira yan nakeraan.”

Isaias 37:23

Siopay abaloan mon papabaingan tan luludlureyen mo? Ag mo ak papagalangan, say masanton Dios na Israel.

Isaias 7:8

Akin? Lapud aliwan mabiskeg so Siria nen say Damasco a manonan baley to, tan say Damasco et aliwan mabiskeg nen si Ari Rezin. No nipaakar ed Israel, naderal-deral ed loob na anemaplo tan limay taon kanyan ag natogyup a sakey a bansa.

Jeremias 30:11

Laen ta kayon iyagel. Deralen kon amin iray bansan angikayatan kod sikayo, balet ag ta kayo deralen. Ag ko abuloyan ya ag kayo nadusa; balet no dusaen ta kayo, gawaen ko onung ed katonungan. Siak, say Katawan, so nansalita.”

Jeremias 48:2

naandi lay kagalangan nen Moab. Adakep na saray kalaban so Hesbon tan mankokomplut iran maneral ed bansa na Moab. Ag makaesel so baley na Madmen; onsulong iray sondalo sumpad sayan baley.

Ezekiel 35:13

Nadngel koy mapalalon mapaatagey ya impansasalitam sumpad siak.”

Daniel 11:36

“Gawaen na ari na Siria so labay to. Ipaatagey toy sikaton dili tan ibaga ton sikatoy matalonggaring nen say dinanman a dios, anggan say Sankatageyan a Dios. Nagawaan to ya, anggad panaon a panusay Dios ed sikato. Gawaen na Dios so onung na implano ton gawaen.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

2 TESALONICA 2:4

Sumlangen to ray amin ya igagalang na totoo tan saray amin ya ipapasen dan diriyos. Iyan to ran amin ed silong na pakayari to, onloob ed Timploy Dios, insan onirung diman tan iparontal toy sikaton dili a Dios.

Puyan 13:6

Inayew toy Dios, say ngaray Dios, say abung na Dios, tan saray manaayam ed tawen.