Jeremias 48:37 - Maung A Balita Biblia

³⁷ Kinikiskisan dan amin so olo ra tan pinopotut day balbas da. Sinasalger day kalimaan da tan nankakawes na sako so balang sakey ed sikara.

Maung a Balita Biblia

³⁷ Kinikiskisan dan amin so olo ra tan pinopotut day balbas da. Sinasalger day kalimaan da tan nankakawes na sako so balang sakey ed sikara.

Jeremias 48:37 Iomraidhean Croise

Genesis 37:29

Nen pinmawil ed samay bobun si Ruben tan anengneng ton anggapo lad may Jose, pinilat toy kawes to diad ermen to.

Genesis 37:34

Pinilat nen Jacob so kawes to diad ermen to tan nansolung na sako. Abayag a nanermen lapud si anak to.

1 Saray Arari 18:28

Kanyan inkasil day pampipikasi ra, tan sinasalger day laman da na saray yuro tan saray punyal, onung na sirimonya ra, ya anggad inmaagos so dala.

1 Saray Arari 21:27

Nen asumpal a nansalitay Elias, pinilat nen Acab so kawes to, inekal to tan nansolung na sako. Ag angan, dinmokul ed sako, tan nanakar-akar a maerermen.

2 Saray Arari 6:30

Kadngel na arid saya, pinilat toy kawes to diad inkagunigon to, tan naimano na saray totoon walad abay na padir ya akasolung na sako diad dalem na kawes to.

1 Saray Awaran 19:4

Siningkat nen Hanun ira may imbaki nen David, nilabahasan to ray balbas da, pinotut to ya anggad tapi ray kawes da, insan to la ra pinapawil.

Isaias 20:2

Taloy taon kasakbayan na sayan agawa, imbaga na Katawan ed kinen Isaias a lakin anak nen Amoz ya ekalen to ray sandalya to tan say insolung ton sako. Inmonur si Isaias tan nanliber-liber a kasali-sali tan labus-lakseb.

Isaias 3:24

Anta mampabalingit ira komun, naboluk ira; anta mambalkes ira komun na balibali, mambalkes iray magasgasal a lobir; anta marakerakep komun so buek da, nakiskisan so olo ra; anta mankawes ira komun na marakerakep, lupot so ikawes da; magmaliw a makapabaing so ganggana ra!

Isaias 37:1

Diad ermen nen Ari Ezekias nen nadngel toy imbalita da ra may opisyal to, pinilat toy kawes to, insan linmad Timplo na Katawan.

Jeremias 16:6

Ompatey ed sayan dalin iray mamayaman tan saray mairap-bilay, balet anggapoy manermen odino mangipompon ed sikara. Anggapoy manggerger na laman odino mangiskis na olo to a pangipanengneng toy paneermen to.

Jeremias 41:5

wala ray walomplon lalakin sinmabi a nanlapud Sikem, Silo, tan Samaria. Inekal da ray balbas da, pinipilat da ray kawes da, tan sinasalger day laman da. Sankaawit da ray trigo tan say insinso ya ibagat da ed dalem na Timplo.

Jeremias 47:5

Sinmabiy baleg a kaermenan ed saray totood Gaza, tan ag oneseesel iray totood Ascalon. Kapigan ontonda so panermen na saray arum a Filisteo?

Jeremias 49:3

Totoon taga Hesbon, eyag kayo! Aderal la so Ai! Bibiin taga Rabba, manermen kayo! Mankawes kayoy sako tan manermen kayo. Mambatik-batik kayon ag yo amtay gagawaen yo. Naalad arum a bansa so dios yon Moloc a pati saray papari tan saray prinsipi to.

Ezekiel 27:31

Lapud sika kinikiskisan day olo ra Tan nankakawes iray sako. Maninget so pagew da legan dan onaakis.

Ezekiel 29:18

Inkuanto, “Sika a toon ompatey, si Ari Nabucodonosor na Babilonia et dinogpaan toy Tiro. Impanagto to ray sondalo to na ambebelat, kanyan ayangyangan ira tan diad impansakbat da naobakan so takeb da, balet anggapo lamlamang so agunggona na ari tan saramay sondalo to ed saraman ya impansasagput da.

Ezekiel 7:18

Mankawes iray sako lapud ermen tan ompayegpeg so intiron laman. Nakiskisan so kaoloan da tan napelag iran amin ed kababaingan.

Levitico 19:28

ni tatatakan so laman yo odino salsalgeran so laman yo lapud panermen yod inatey yo. Siak so Katawan.

Amos 8:10

Pagmaliwen kon panagermen iray pista yo tan salatan ko na panagugol lapud ermen iray maliket a kansion yo. Pankiskisen ta kayo na kaoluan yo tan pansulongen ta kayoy sako, tan magmaliw kayon singa saray atateng a maermen lapud impatey na saksakey ya anak dan laki. Diad satan ya agew mapalaloy ermen da ray totoo ya anggad samput.

Mikias 1:16

Sikayo ran totood Juda, katlian yo ray buek yo diad pangipanengneng yoy kaermenan yo, lapud saray inararo yon anak. Kiskisan yoy kaolowan yo a singa saray buitri, lapud naalad sikayo ray anak yo tan nibantak irad arum a bansa.

Marcos 5:5

Labi tan agew so panaakar-akar ton maneeyag-eyag ed saray lobuk tan diad nipokpokdul iran pasen. Susugat-sugaten to ni na bato so laman ton dili.

Puyan 11:3

Ibakik so duaran tasik ya akakawes na sako, tan ipulong dan duay salitay Dios ed loob na sanlibo, duan lasus tan anemaplon agew.”