Jeremias 48:29 - Maung A Balita Biblia

²⁹ Mapalalon mapaatagey so Moab! Nadngelan kon mapaatagey, ag mangitaltalek, tan malastug iray totood Moab. Atagtagey so panangipasen dad sikaran dili.

Maung a Balita Biblia

²⁹ Mapalalon mapaatagey so Moab! Nadngelan kon mapaatagey, ag mangitaltalek, tan malastug iray totood Moab. Atagtagey so panangipasen dad sikaran dili.

Jeremias 48:29 Iomraidhean Croise

Saray Salmo 138:6

Anggaman a wala kad atagtagey a pasen, aasikasoen mo ray abebbebay kipapasen, tan ag ka niamutan na saray mapaatagey.

Probirbio 18:12

Anggapoy toon napapagalangan likud no sikatoy mapaabeba; mamapaarap ed deral iray totoon mapaatagey.

Probirbio 21:24

Ipanengneng mod siak so toon mapaatagey et ipanengneng kod sikay toon malastug, matangsit, tan anggapoy panangasi.

Probirbio 30:13

Wala ray totoon ipapasen day sikaran dili a maumaung—on, abaloan dan ontan lay kamaung da!

Probirbio 8:13

Say pangigalang ed Katawan kabaliksan toy iyarawid kaogsan; kabosul koy panagpaatagey tan panaglastug, say maoges a kagagawa tan saray salitan tila.

Isaias 13:11

Say Katawan kuanto, “Mangyakar ak na deral ed tapew na dalin tan dusaen kon amin iray totoon maoges a totoo lapud saray kasalanan da. Ipaabebak ya amin iray totoon mapaatagey tan dusaen kon amin iray totoon malastug tan maruksa.

Isaias 16:6

Saray totood Juda kuanda, “Nadngelan min ontan lay panagpaatagey da ray taga Moab. Amta mi a malastug tan anggapoy pangitaltalek da, balet andi-kana ya amin so ipapangaya ra.”

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Lucas 14:11

Ta siopamay mampaatagey ed sikaton dili, napaabeba; siopamay mampaabebad sikaton dili, napaatagey.”

Santiago 4:6

Balet lalon matalonggaring so tulong ya inter na Dios. Onung na ibabagay Masanton Sulat, “Say Dios susumpaen to ray mapaatagey, balet tutulongan to ray mapaabeba.”