Jeremias 48:18 - Maung A Balita Biblia

¹⁸ Sikayon manaayam ed Dibon, epas kayod tad pasen a kawalaay kagalangan yo tan yorung kayod dabuk; wadya lay managderal na Moab, tan dineral to ray tirinsira to.

Maung a Balita Biblia

¹⁸ Sikayon manaayam ed Dibon, epas kayod tad pasen a kawalaay kagalangan yo tan yorung kayod dabuk; wadya lay managderal na Moab, tan dineral to ray tirinsira to.

Jeremias 48:18 Iomraidhean Croise

Genesis 21:16

insan to inyorung ed pasen a sakey a siamaploy mitro so kinaarawi to. Inkuantod sikaton dili, “Ag ko nitepel a nengnengen so ipatey na anak ko.” Nen wadman a manyodyorung, ginapwan toy inmakis.

Exodo 17:3

Balet mapalaloy inkapgaan na saray totoo, kanyan intuloy day nanriklamo ed kinen Moises. Inkuanda, “Akin et impaway mo kamid Egipto? Pian napatey mo kamid eras, sikami, saray anak mi, tan saray ayayep mi?”

Isaias 15:2

Onkakalab ed pokdul iray totood Dibon, ta mannangis irad man ed altar. Saray totood Moab mandageyem irad ermen lapud saray siudad na Nebo tan Medeba; kiniskisan day olo ra tan saray balbas da lapud ermen da.

Isaias 47:1

Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Isaias 5:13

Lapud saya, naala kayon priso ed arum a bansa. Ompatey ed eras iray pangulo yo, tan ompatey ed kaapgaan iray ordinarion totoo.

Jeremias 48:22

Dibon, Nebo, Bet-diblataim,

Ezekiel 19:13

Nitanem la natan ed kalawakan, diad amaga tan anggapoy danum a dalin.

Saray Bilang 21:30

Balet natan aderal la ray kabyangay boleg da, Manlapud Hesbon ya anggad Dibon, Manlapud Nasim ya anggad Nofa a kaabay na Medeba.”

Saray Bilang 32:3

“Sayan dalin ya asakup na saray Israelita diad pananulong na Katawan—saray baley na Atarot, Dibon, Jazer, Nimra, Hesbon, Eleale, Sibma, Nebo, tan Beon—et balibalin dalin a para baka, et dakerakel iray baka mi.

Josue 13:17

Sakop to met so Hesbon tan amin iray siudad ed niatagey a patar; Dibon, Bamot-baal, Bet-baalmeon,

Josue 13:9

Sakop na dalin da so anggad Aroer (a walad gilig na patar na Arnon) tan say siudad ed pegley na saman a patar tan sakop to met so intiron niatagey a patar manlapud Medeba ya anggad Dibon.

Saray Huis 15:18

Insan napnapgaan si Samson, kanyan tinmawag ed Katawan tan kuanto, “Impanalo mo ak na baleg; natan ompatey ak, lapud inkapgaan tan, lapud nadakep ak na sarayan paganon Filisteo?”