Jeremias 48:14 - Maung A Balita Biblia

¹⁴ “Lalakin taga Moab, akin et ipapasen yoy sikayon dili a palbayani, masebeg a sondalon asali la rad bakal?

Maung a Balita Biblia

¹⁴ Lalakin taga Moab, akin et ipapasen yoy sikayon dili a palbayani, masebeg a sondalon asali la rad bakal?

Jeremias 48:14 Iomraidhean Croise

Saray Salmo 11:1

Say Katawan so sasalimbengan ko. Panoy pangibaga na siopaman ed siak, “Tikyab kan singa manok ed kapalandeyan,

Saray Salmo 33:16

Ag manatalo so sakey ya ari lapud saray makapanyarin sondalo to; ag manatalo so sakey a sondalo lapud dilin biskeg to.

Ecclesiastes 9:11

Wala niy sakey a naamtaan ko, a diad sayan mundo ag manatalo lawas ed saray lumba iray mabatik, tan ag manatalo lawas ed saray bakal iray masebeg. Saray makabat et aliwan lawas a walay anapay-bilay da, ag lawas onyayaman iray maung ya impanotek, tan ag lawas onaatagey ed kipapasen iray marunong. Say maoges a kapalaran onsasabi ed balang sakey.

Isaias 10:13

Ta say impirador na Asiria kuanto, “Siak a diliy nanggawad saraya. Mabiskeg ak, makabat ak, tan masilib ak. Inekal ko ray ketegan na saray bansa tan inaalak iray abaston insesempen da. Singa ak bakan kalakyan a nanggagatin ed saray totoon manaayam diman.

Isaias 10:16

Say Katawan a Makapanyarin-amin mangipadalan na sakit a manusad saray matataban sondalo. Diad saray laman da walay apoy a mampool lan mampool.

Isaias 16:6

Saray totood Juda kuanda, “Nadngelan min ontan lay panagpaatagey da ray taga Moab. Amta mi a malastug tan anggapoy pangitaltalek da, balet andi-kana ya amin so ipapangaya ra.”

Jeremias 49:16

Pinalikdo ka na panagpaatagey mo. Anggapoy ontatakot ed sika ya aliwan singa iisipen mo. Manaayam kayod saray mabaton diking na kapalandeyan, atagey diad toktok na palandey; balet anggaman a manayam kayod atagtagey a singa kawalaay obung na agila, iyakseb kayo na Katawan. Say Katawan so nansalita.”

Jeremias 8:8

Panoy pangibaga yo, ‘Makabat kami; walad sikamiy ganggan na Katawan?’ Nengneng yo, inoman na saray matilan iskriba iray ganggan.

Jeremias 9:23

Say Katawan kuanto, “Ag nepeg ya ipasirayew na saray makabat a totoo so kakabatan da, odino saray mabiskeg a totoo so biskeg da, odino saray mayaman a totoo so kayamanan da.

Ezekiel 30:6

Say Katawan kuanto, “Amin da ray manangyagel na Egipto manlapud Migdol diad baybay ya anggad Aswan diad abalaten et napatey ira ed bakal. Siak a Katawan a Dios so nansalita.

Sofonias 2:10

Onya so pakadusa na saray totood Moab tan Ammon lapud panagpaatagey da tan lapud pinapabaingan da ray totoo na Katawan a Makapanyarin-amin.