Jeremias 48:12 - Maung A Balita Biblia

¹² “Kanyan sirin, onsabiy oras a mangibaki ak na saray totoon mangibung ed Moab a singa alak. Paekatan da ray pasig ton pananginay alak, insan da ra mekmeken.

Maung a Balita Biblia

¹² Kanyan sirin, onsabiy oras a mangibaki ak na saray totoon mangibung ed Moab a singa alak. Paekatan da ray pasig ton pananginay alak, insan da ra mekmeken.

Jeremias 48:12 Iomraidhean Croise

Saray Salmo 2:9

Diad panamegley na bastun a balatyang betagen mo ra; mekmeken mo ran singa banga.’”

Isaias 16:2

Manaalagar irad gilig na Ilog na Arnon, onsulong, ompawil iran anggapoy getma, a singa ra saray manok ya asibwak ed obung da.

Isaias 30:14

Nabetag kayon singa banga, tan diad kamisimisi yo anggapoy langa a nayarin panginan na ngalab o pangaur na danum ed bobun.”

Jeremias 14:3

Saray mayaman a totoo ibabaki da ray aripen da, ta mangala ray danum; oonla rad saray bobun, balet ag ira makakalmoy danum; ompapawil ira ya anggapoy karga iray pananginan da. Sasakbungan da ray olo ra, lapud kababaingan tan ag da amtay gawaen da.

Jeremias 19:10

Insan imbagad siak na Katawan ya ibetag kod arap na saray totoon akilad siak imay banga,

Jeremias 25:34

Akis kayo, sikayo ran pangulo, sikayo ran pumapastol na saray totook, akis kayoy maksil! Manermen kayo tan mantolin kayod dabuk. Sinmabi lay panaon a sikayoy pateyen, tan napatas kayon singa karniron kalakyan.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 48:11

Say Katawan inkuanto, “Arawi lawas ed kaatapan so Moab, tan ag balut nibantak ed arum a bansa. Say Moab et singa alak ya ag nagagalaw ed akapanginan tan ag balut nibabales-bales ed nandodoman pasig. Ag balut aderal so taway to tan ag naomay samit na taway to.

Jeremias 48:13

Diad satan saray taga Moab ibaing day dios dan Camos a singa samay inkabaingan da ray Israelita ed Betel, sakey a dios a nanmatalkan da.

Jeremias 48:15

Aderal so Moab tan saray siudad to; apatey iray sankamaungan a mamalangwer ton lalaki. Siak so ari a Katawan a Makapanyarin-amin, tan siak so nansalita.

Jeremias 48:38

Diad amin a toktok na abung ed Moab tan diad amin a plasa to, akis na kaermenan labat so narerengel lapud binetag kon singa pasig so Moab kanyan anggapo lay malabay.

Jeremias 48:8

Anggapoy anggan sakey a baley a makapaliis ed panagderal; naderal iray patar tan kaalogan. Siak, say Katawan, so nansalita.

Nahum 2:2

Ngalngali la ipawil na Katawan so kagalangan na Israel, a singa samay kagalangan to kasakbayan a sinasamsaman na saray kalaban to.)