Jeremias 48:1 - Maung A Balita Biblia

¹ Sikato yay inkuan na Katawan a Makapanyarin-amin nipaakar ed Moab: “Kaskasian iray totoo ed Nebo— aderal so baley da! Adakep so Kiryataim, ageba so mabiskeg a tirinsira to, tan abaingan ed kababaingan iray totoo to;

Maung a Balita Biblia

¹ Sikato yay inkuan na Katawan a Makapanyarin-amin nipaakar ed Moab: Kaskasian iray totoo ed Nebo aderal so baley da! Adakep so Kiryataim, ageba so mabiskeg a tirinsira to, tan abaingan ed kababaingan iray totoo to;

Jeremias 48:1 Iomraidhean Croise

Genesis 14:5

Diad kumalabinapat taon si Kedorlaomer, saray ararin kakaiba to, tan saray sondalo ra et linma ran linmaban ed saramay limara. Diad inyakar da tinalo da ray Refaita ed Astarot-Carnaim, saray Zuzita ed Ham, saray Emita ed Save-kiryataim.

Genesis 19:37

Nananak na laki may pangulowan, tan inngaran to na Moab; sikatoy sengeg ya anggad natan na saray Moabita.

2 Saray Awaran 20:10

“Natan, dinogpaan kami na saray totood Ammon, Moab, tan Edom. Nen pinmaway ed Egipto iray lalaki mi, ag mo inabuloyan a looban da ra man a dalin, kanyan sinmaliberber ira tan ag da ra dineral.

Isaias 25:10

Iyagel na Katawan so Palandey na Sion, balet nigatin iray totoo ed Moab a singa kigatin na dayami ed tai na ayep.

Isaias 25:12

Deralen na Katawan iray tirinsira tan saray atatagey a padir na Moab tan igeba to rad dabuk.

Isaias 27:3

“Babantayan koy kaubasan ko tan sasalogen ko lawas. Guaguardiaan ko ed agew tan labi, pian anggapoy manderal ed sikato.

Jeremias 27:3

Insan say Katawan imbaga tod siak a paibagak ed saray ararid Edom, Moab, Ammon, Tiro, tan Sidon diad panamegley na saray ibabaki ra a wala ra natan ed Jerusalem, ta mitongtong irad kinen Ari Sedekias.

Saray Bilang 24:17

Sankanengneng ko so arapen a panaon, Et na nengneng ko so bansa na Israel. Walay sakey ya arin singa maliwawan bitewen ya onletaw ed sayan bansa. Singa sakey a komita a manlapud Israel. Kabilen to ray pangulo na Moab Tan tumbaen to ray amin a totoo na Set.

Saray Bilang 32:3

“Sayan dalin ya asakup na saray Israelita diad pananulong na Katawan—saray baley na Atarot, Dibon, Jazer, Nimra, Hesbon, Eleale, Sibma, Nebo, tan Beon—et balibalin dalin a para baka, et dakerakel iray baka mi.

Josue 13:19

Kiryataim, Sibma, Zaret-sahar a walad pokdul na patar,