Jeremias 47:7 - Maung A Balita Biblia

⁷ Balet panoy pampainawa to, anta initdan koy gawaen ton kimey? Ingganggan kon dogpaan toy Ascalon tan saray totoon manaayam ed gilig na dayat.”

Maung a Balita Biblia

⁷ Balet panoy pampainawa to, anta initdan koy gawaen ton kimey? Ingganggan kon dogpaan toy Ascalon tan saray totoon manaayam ed gilig na dayat.

Jeremias 47:7 Iomraidhean Croise

Isaias 10:6

Imbakik so Asiria ya ondogpa ed sakey a bansan anggapoy Dios to, diad saray totoon amapetang na olok. Imbakik iray taga Asiria a mansamsam, mantakew, tan mangigatin-gatin ed saray totoo a singa ra dotak ed saray dalan.”

Isaias 13:3

Tinawag na Katawan iray mapaatagey tan masebeg a sondalo to, ta milaban irad masanton bakal diad panusa rad saray pamapasnukan ton totoo.

Isaias 37:26

“Ag mo ta ni nadngelan ya abayag ko la yan ginetma? Sinumpal ko la ra ya natan. Initdan ta kay pakayarin napagmaliw mon bunton na deral-deral iray siudad ya aliber na padir.

Jeremias 48:10

Nisamba so toon ag mankolin mankimey para Katawan! Nisamba so toon ag to ikakanay ispada tod pampatey!)

Ezekiel 14:17

“Nayarin mangipadalan ak na bakal ed saman a bansa tan mangibaki ak na saray armas a mamaandid saray totoo tan saray ayayep to;

Ezekiel 21:14

“Sikan too a ompatey, mampropisiya ka natan. Mantipak ka, et ondoyuk lan ondoyuk so ispada. Say ispada so mamatey, ispada a manaktakot tan mamatey na amayamay a totoo.

Ezekiel 21:30

“‘Ikaluban yo so ispada! Sintinsiaan ta kayo ed pasen ya amalsaan ed sikayo.

Ezekiel 21:9

“Sika a toon ompatey, mampropisiya ka. Ibagam ed saray totoo so kuanko, siak a Katawan: Sakey ya ispada, sakey ya ispada so niyobul tan apasileng.

Ezekiel 25:16

Kanyan ibabawag ko a dogpaan ko ray Filisteo tan paandipaten ko ra. Deralen koy balang too ya atilak a manaayam ed Patar na Filistia.

Amos 3:6

Nayari kasin ag ontakot iray totoo no napaknul ed siudad so trumpitan manawag na bakal? Nayari kasin onsabiy deral ed siudad no ag ipadalan na Katawan?

Mikias 6:9

Kakabatan so itakot ed Katawan Say Katawan ontatawag ed siudad, “Dengel kayo, sikayo ran totoo a mantitipon ed siudad!

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”