Jeremias 46:7 - Maung A Balita Biblia

⁷ Siopa yay ontatagey a singa Nilo, singa sakey ya ilog ya onsasapat ed pangdel so danum to?

Maung a Balita Biblia

⁷ Siopa yay ontatagey a singa Nilo, singa sakey ya ilog ya onsasapat ed pangdel so danum to?

Jeremias 46:7 Iomraidhean Croise

Kanta nen Solomon 3:6

Anto yay onsasabin singa lusek na asewek a manlalapud kalawakan, abalingitan na insinso tan mira, say insinson ilalako da ray nigosianti?

Kanta nen Solomon 8:5

Siopa yay onsasabin manlalapud kalawakan, ya akatabin ed inaro to? Binangon ta kad silong na mansanas, diad pasen a nianakan mo.

Isaias 63:1

“Siopa yay onsasabin nanlapud siudad na Bozra ed Edom? Siopa yay mapagalang ya akakawes na ambal-balanga, a manaakar a sankataruk toy pakayari tan biskeg?” Sikato so Katawan, makapanyarin mangilaban, ya onsasabin mangibawag na pananalo to.

Jeremias 47:2

Inkuanto: “Nengneng yo! Onaatagey so danum ed baybay, tan maples ya onagos a singa ilog no delap. Delapen toy dalin tan amin a logan to, saray siudad tan saray totoon manaayam diman. Saray totoo oneyag iran onkerew na tulong; onakis na ampaipait ya amin iray katoowan.

Ezekiel 32:2

Inkuanto, “Sika a toon ompatey, maermen mon pasakbayan so ari na Egipto. Ibagam yan salitak ed sikato: Ipapasen moy sikan dili a lion ed saray bansa, balet singa ka buaya ya ontitiblung ed ilog. Pipitekan na saray salim so danum tan dodotakan mo ray ilog.

Daniel 11:10

“Mamparaan a mibakal iray lalakin anak na ari na Siria tan mantipon ira na dakerakel a sondalo. Onlan singa delap so sakey ed sikara tan dogpaan toy tirinsira na kalaban.

Daniel 11:22

Siopamay toon onsumlang ed sikato, anggan say Pangulon Pari, et napatey tan naandipat.

Daniel 9:26

Diad kasamputan na sayan panaon napatey ya anggapoy kasalanan so pangulon pinili na Dios. Deralen na saray ondogpan sondalo na makapanyarin manoley so siudad tan say Timplo. Say kasamputan onsabin singa delap a taruk toy bakal tan deral ya imparaan na Dios.

Amos 8:8

Kanyan onyegyeg so mundo tan manermen so balang sakey a manaayam ed tapew na dalin. Nayegyeg so intiron bansa; onatagey tan nakusbo a singa Ilog na Nilo.

Puyan 12:15

Lapud saya, samay oleg nambogay danum a singa ilog ya ontombuk ed samay bii, pian naanor.