Jeremias 46:6 - Maung A Balita Biblia

⁶ Ag makaarawi iray mabatik; ag makataynan iray sondalo. Nipapatakba tan natutumba ra ed baybay ya asingger ed Ilog na Eufrates.

Maung a Balita Biblia

⁶ Ag makaarawi iray mabatik; ag makataynan iray sondalo. Nipapatakba tan natutumba ra ed baybay ya asingger ed Ilog na Eufrates.

Jeremias 46:6 Iomraidhean Croise

2 Saray Arari 23:29

Legan na panaari nen Josias, impangulo nen Ari Neco na Egipto ed Ilog na Eufrates so sakey ya olup na saray sondalo, ta tulongan toy ari na Asiria. Inatey ed bakal si Ari Josias nen diad Megido et inabet ton patondaen ira may sondalo na Egipto.

2 Saray Arari 24:7

Ag lan balut pinmaway ed Egipto so ari na Egipto tan saray sondalo to, lapud wala lad silong na pakaoley na ari na Babilonia iray amin a dalin a sakop na Egipto, manlapud Ilog na Eufrates ya anggad ketegan ed baybay na Egipto.

Saray Salmo 27:2

No dogpaan ak a pateyen na saray totoon maoges, natiror tan natumba ra.

Ecclesiastes 9:11

Wala niy sakey a naamtaan ko, a diad sayan mundo ag manatalo lawas ed saray lumba iray mabatik, tan ag manatalo lawas ed saray bakal iray masebeg. Saray makabat et aliwan lawas a walay anapay-bilay da, ag lawas onyayaman iray maung ya impanotek, tan ag lawas onaatagey ed kipapasen iray marunong. Say maoges a kapalaran onsasabi ed balang sakey.

Isaias 8:15

Amayamay iray niparokul; natumba ra tan napoter ira. Naerel irad patit.”

Jeremias 1:14

Inkuantod siak, “Say deral a manlapud baybay et ondapod saray amin a manaayam diad sayan dalin,

Jeremias 20:11

Balet wala ka, Katawan, ed diking ko, mabiskeg tan makapanyari ka, tan natumba ray mamapaseg-segang ed siak; ag da ak balut taloen. Andi-anggaan so pakapelag dad kababaingan lapud ag ira manalo. Ag balut nalingwanan so pakapelag dad kababaingan.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 4:6

Itoro yoy dalan ya ompogtad Sion! Batik kayod pasen ya arawid kaatapan! Ag kayo la manaabala! Say Katawan mangipasabi na segsegang tan baleg a deral a manlapud baybay.

Jeremias 46:10

Sikato yay agew na Katawan a Dios a Makapanyarin-amin: ombawi natad sayan agew; dusaen to ray kalaban to natad sayan agew. Kanen ira na ispada to ya anggad napsel; inomen toy dala ra ya anggad apenek. Ibagat natad sayan agew na Makapanyarin-amin iray kalaban ton inaatey diad baybay ya asingger ed Eufrates.

Jeremias 46:12

Nadngelan na saray bansa so kababaingan yo; nadngelan na balang sakey so panaakis yo. Mampapateran iray sondalo kanyan natutumba ra.”

Jeremias 46:16

Nipatakba tan atumba ray sondalo yo; balang sakey kuantod sakey tan sakey, ‘Ganatan yo! Onsempet itayo lad saray totoo tayo, pian napaliisan tayoy ispada da ray kalaban!’

Jeremias 50:32

Sikan mapaatagey a bansa, natumba tan napelag ka, et anggapoy ontulong ed sika. Poolan ko ray siudad mo, tan naderal ya amin iray walad kaliber-liber.”

Jeremias 6:1

Totood Benjamin, batik kayod pasen ya arawiy kaatapan! Ibatikan yoy Jerusalem! Paknul yod Tecoa so trumpita tan itagey yod Bet-hakarem so sinyas. Ngalngali la onsabin manlapud baybay so gunigon tan baleg a deral.

Daniel 11:19

Ompawil so ari ed saray tirinsira to ed dilin dalin to, balet natalo, tan saya la so anggaan to.

Daniel 11:22

Siopamay toon onsumlang ed sikato, anggan say Pangulon Pari, et napatey tan naandipat.