Jeremias 46:16 - Maung A Balita Biblia

¹⁶ Nipatakba tan atumba ray sondalo yo; balang sakey kuantod sakey tan sakey, ‘Ganatan yo! Onsempet itayo lad saray totoo tayo, pian napaliisan tayoy ispada da ray kalaban!’

Maung a Balita Biblia

¹⁶ Nipatakba tan atumba ray sondalo yo; balang sakey kuantod sakey tan sakey, Ganatan yo! Onsempet itayo lad saray totoo tayo, pian napaliisan tayoy ispada da ray kalaban!

Jeremias 46:16 Iomraidhean Croise

Jeremias 46:21

Anggan saray uupaan to ran sondalo et singa ra bakan anggapoy nitulong. Ag ira inmalagey a linmaban; pinmoliktar iran amin tan batik ira. Sinmabiy agew na pakadusa ra, say oras na kaderal da.

Jeremias 46:6

Ag makaarawi iray mabatik; ag makataynan iray sondalo. Nipapatakba tan natutumba ra ed baybay ya asingger ed Ilog na Eufrates.

Jeremias 50:16

Ag yo aabuloyan a walay dumaralus a mantanem ed Babilonia, odino walay manani. Amin da ray sangkailin manaayam diman et ompawil irad dilin dalin da, lapud takot dad saray sondalon ondodogpa.”

Jeremias 51:9

Saray taga arum a bansan manaayam diman kuanda, ‘Sinali min tutulongan so Babilonia, balet anggapo lay nagawaan mi. Taynanan ti la, ta ompawil ti lad dilin bansa tayo. Dinusa na Dios ed anggaay pakayari to so Babilonia tan dineral ton sigput.’”