Jeremias 46:14 - Maung A Balita Biblia

¹⁴ “Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Maung a Balita Biblia

¹⁴ Ibawag mod saray baley na Egipto, diad Migdol, Memfis, tan Tafnes, Mamparaan kayon mangyagel ed sikayon dili; naderal ed bakal iray amin a kayaryan yo!

Jeremias 46:14 Iomraidhean Croise

2 Samuel 2:26

Kinolyaotan nen Abner si Joab, “Akin, ag itayo la ontondan manlalaban? Ag yo ta nanengneng a kapaitan labat so pansumpalan tayo? Kabaleyan yo kami. Kapigay pangiganggan mod saray totoom a tondaan da kami lan osilan?”

Exodo 14:2

“Ibagam ed saray Israelita ya ompoliktar ira tan mankampo ra ed arap na Pihahirot, a nanleetan na Migdol tan Dayat ya Ambalanga, diad abay na Baalzefon.

Isaias 1:20

Balet no ipolisay tan labanan yo ak, andi-duaruwan ompatey kayo. Siak, say Katawan, so nansalita.”

Isaias 19:13

Makulang-kulang iray pangulo na Soan tan Memfis. Nepeg komun ya ipangulo day bansa, balet pinalikdo ra.

Isaias 31:8

Naderal ed bakal so Asiria, balet aliwan diad panamegley na pakayariy too. Ibatikan na saray taga Asiria so bakalan tan naaripen iray tobun-balo ra.

Isaias 34:6

Naames so ispada to na dala tan taba ra a singa dala tan taba na saray nibagat a kordiro tan kanding. Mangibagat so Katawan ed siudad na Bosra; gawaen to ya a pamatey na dakerakel a totoo ed dalin na Edom.

Jeremias 12:12

Manlapud biek na amin a niatagey a kabueran dinmadagon manderal iray totoo. Angibaki ak na bakal a manderal ed intiron bansa; anggapoy makapambilay ed kareenan.

Jeremias 2:16

Saray taga Memfis tan saray taga Tafnes binetag day lapis-lapis na olo to.

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Jeremias 44:1

Akisalitay Katawan ed siak nipaakar ed amin ya Israelitan manaayam ed Egipto, diad saray siudad na Migdol, Tafnes, tan Memfis, tan diad saray pasen a walad abalaten na bansa.

Jeremias 46:10

Sikato yay agew na Katawan a Dios a Makapanyarin-amin: ombawi natad sayan agew; dusaen to ray kalaban to natad sayan agew. Kanen ira na ispada to ya anggad napsel; inomen toy dala ra ya anggad apenek. Ibagat natad sayan agew na Makapanyarin-amin iray kalaban ton inaatey diad baybay ya asingger ed Eufrates.

Jeremias 46:19

Sikayon taga Egipsio, mamparaan kayon naalan priso! Nagawan andi-kakanaan a pasen so Memfis, nagawan dera-deral tan anggapoy manayam.

Jeremias 46:2

Sikato ya so imbaga to nipaakar ed Egipto. Nansalita so Katawan nipaakar ed saray sondalo nen Ari Neco na Egipto, a tinalo nen Ari Nabucodonosor na Babilonia diad Carkemis ya asingger ed Ilog na Eufrates nen kumapat a taon na panaarid Juda nen Joakim a lakin anak nen Josias:

Ezekiel 21:28

“Sika a toon ompatey, mampropisiya ka. Ibawag mo so ibabagak, siak a Katawan a Dios, ed saray Ammonita a mamapabaing ed Israel. Ibagam ed sikara: ‘Akaparaan lan maneral so sakey ya ispada; Apasileng a mamatey, onkidyam a singa kirmat.

Ezekiel 30:13

Say Katawan a Dios kuanto, “Deralen ko ray talintao tan saray tila-tilan diriyos ed Memfis. Anggapo lay manoley ed Egipto, tan taktakoten kon amin iray totoo.

Oseas 9:6

No onsabiy kadederal, tan nikaykayat iray totoo, tiponen ira na saray Egipsio—tiponen da ran ipompon ed Memfis! Saray kayamanan dan pilak tan saray pasen ya angiletnegan na saray abung da et natubuan ira na saray dika tan saray tanaman a masabit.

Nahum 2:13

“Siak so kalaban mo!” kuay Katawan a Makapanyarin-amin. “Poolan ko ray karwahim. Napatey ed bakal iray sondalom, tan alaen kon amin iray bengatlan sinasamsam mod saray arum a bansa. Ag la narengel so antokaman ya ibaga na saray ibabakim.”

Deuteronomio 32:42

Saray panak naames na dala ra, tan say ispadak pateyen to ray amin ya onsumlang ed siak. Anggapoy ikerak a mabilay ed amin da ray onlaban ed siak; anggan saray sugatan tan priso et ompatey ira.’