Jeremias 44:7 - Maung A Balita Biblia

⁷ “Kanyan siak, say Katawan a Makapanyarin-amin a Dios na Israel, tetepeten kod sikayo natan no akin et gagawaen yod sikayon dili ira yan kaogsan. Labay yon onsabiy deral ed saray lalaki, bibii, saray anak tan saray ogogaw, pian anggapoy nakeraan ed sikayo?

Maung a Balita Biblia

⁷ Kanyan siak, say Katawan a Makapanyarin-amin a Dios na Israel, tetepeten kod sikayo natan no akin et gagawaen yod sikayon dili ira yan kaogsan. Labay yon onsabiy deral ed saray lalaki, bibii, saray anak tan saray ogogaw, pian anggapoy nakeraan ed sikayo?

Jeremias 44:7 Iomraidhean Croise

Probirbio 1:18

Balet saray ontan a totoo et papatitan day sikaran dili; diad dilin patit day pateyan da.

Probirbio 15:32

No ag mo labay so manaral, sisibletan moy sikan dili. No awaten moy maung a simbawa naaromay kakabatan to.

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Probirbio 8:36

Balet say toon ag makarumog ed siak, papasakitan toy sikaton dili; siopamay mamobosul ed siak inaro toy patey.”

Jeremias 25:6

Imbaga rad sikayo ya ag kayo mangigagalang tan manlilingkur ed arum a diriyos, tan ag yo pampapasnuken so Katawan diad panamegley na pangigalang yod saray talintaon ginagawa yo. No inonur yo labat so Katawan, ag to kayo la komun dinusa.

Jeremias 25:7

Balet say Katawan a dili imbaga to a sikatoy ag yo dinengel. Ingen impanpasnuk yo diad panamegley na saray talintaoy diriyos yo, kanyan sikayon dili so nanlapwan na sayan panudusa tod sikayo.

Jeremias 26:19

Ag pinatey nen Ari Ezekias tan saray totoo to si Mikias. Ingen tinakotan nen Ezekias so Katawan tan nala to so maung a linawa to. Diad onman angoman so Katawan ed kanununotan ton manderal ed sikara. Balet sikatayo, ngalngali ti la iyakar so baleg a deral ed sikatayon dili.” (

Jeremias 3:24

Balet lapud impangigalang mid Baal a dios na kababaingan, abalang mi ray amin a bengatlan nanlingetan na saray lalaki mi nanlapu lad impanogaw mi—saray anak mi, saray karniro mi tan saray arum ya ayayep mi.

Jeremias 38:17

Insan ko imbagad kinen Sedekias a say Katawan a Makapanyarin-amin a Dios na Israel inkuanto, “No onsuko kad ari na saray opisyal na Babilonia, nipaliis kad patey tan ag napoolan yan siudad. Sika tan say pamilyam et nipaliis ed patey.

Jeremias 42:20

ta satay kalingo yo et mambunga na ipatey yon amin. Kinerew yod siak ya ipikasi ta kayo ed Katawan a Dios tayo, tan insipan yo a gawaen yoy amin ya ingganggan to.

Jeremias 44:14

Anggapod saray akeraan a totood Juda a linma ran manaayam ed Egipto, so makabatik odino makapaliis ed patey. Anggapod sikaray makapawil ed Juda a pampilalekan dan panayaman lamet. Anggapoy makapawil, likud labat ed pigpigaran makabatik.”

Jeremias 44:8

Akin et pampapasnuken yo ak diad pangigagalang yod saray talintaoy diriyos tan diad pangibabagat yod saray arum a diriyos diad Egipto a nila yon panaayaman? Gagawaen yo ya a paneral ed sikayon dili, pian ludlureyen kayo na amin iray bansa diad tapew na dalin tan ikana ray ngaran yo a sakey a samba?

Jeremias 51:22

nampapatey ed saray lalaki tan saray bibii, nampapatey ed saray mamatakken tan saray mamalangwer, naneekal na bilay da ray babalolaki tan saray mamarikit,

Jeremias 7:19

Balet siak kasiy napapasakitan da? Andi, say sikaran dili so papasakitan da, tan ipepelag day sikaran dili ed kababaingan.

Jeremias 9:21

Linmoob ed saray bintana tayo so patey tan nilooban to ray palasio tayo; pinagit tod saray dalan iray ogogaw tan saray lalakin tobun-balo diad saray tindaan.

Saray Tagleey 2:11

Ambalbalanga lan maung iray matak lapud kakaakis ko; nagugunigon so kamarerwak. Makolkolaney ak lad ermen lapud inkaderal na saray totook. Napupunaw ed saray dalan na siudad iray ogogaw tan saray kapangyanak.

Saray Tagleey 2:22

Tinawag mo ray kalaban ko, ta manggawa ray makapataktakot a doypowan ed kaliber-liber ko. Anggapoy makapaliis no agew na pasnuk mo. Saray kalaban pinapatey da ray pinapabaleg ko tan inararok ya anak.

Ezekiel 33:11

Ibagam ed sikara a legan a siak so mabilay a Katawan a Dios, ag ko panliketan so ipatey na toon makasalanan. Labay ko ingen a magbabawid saray kasalanan to tan mambilay. Israel, tondaan mo lay kaogsan a gagawaen mo. Akin et labay moy ompatey?

Ezekiel 9:6

Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok.” Kanyan inggapo rad saray pangulon manalalagey diman ed Timplo.

Habacuc 2:10

Balet saray ginagawa yo so angipelag ed pamilya yo ed kababaingan; lapud impanderal yod amayamay a bansa impelag yod kadederal so sikayon dili.

Saray Bilang 16:38

Nagmaliw iran masanto nen niapay ira ed altar na Katawan. Kanyan alam ira may pananginay insinso a kayaryan na saramay totoon inaatey lapud kasalanan da, pitpit mo ra tan gawam iran okup na altar. Sikatoy sakey a pasakbay ed saray totood Israel.”

Deuteronomio 32:25

Dakel iray ompatey ed daladalan lapud bakal; onsabiy takot ed dalem na kaabungan. Ompatey iray tobun-balon lalaki tan bibii; ag makapaliis ed patey iray mansusoson ogogaw tan saray mamasiken.

Josue 6:21

Pinapatey dad panamegley na ispada iray amin a walad siudad, lalaki may bibii, malangwer may matakken. Pinapatey da met iray baka, karniro, tan saray asno.

Saray Huis 21:11

Patey yo ray amin a lalaki tan amin a biin aliwan birhin.”

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”

1 Samuel 22:19

Impapatey met nen Saul iray arum ni ran manaayam ed Nob, say siudad da ray papari; bibii tan lalaki, ogogaw tan saray mansususo, saray baka, saray asno, tan saray karniro—apatey iran amin.