Jeremias 44:6 - Maung A Balita Biblia

⁶ Kanyan nampasnuk ak a maung ed saray baley na Juda tan diad saray dalan na Jerusalem, tan pinopoolan ko ra. Aderal-deral ira tan nagmaliw iran makapagiwgiw a nengnengen, a singa kipapasen da natan.

Maung a Balita Biblia

⁶ Kanyan nampasnuk ak a maung ed saray baley na Juda tan diad saray dalan na Jerusalem, tan pinopoolan ko ra. Aderal-deral ira tan nagmaliw iran makapagiwgiw a nengnengen, a singa kipapasen da natan.

Jeremias 44:6 Iomraidhean Croise

Isaias 1:7

Nagmaliw ya apaolyan so bansa yo tan tinemek na apoy iray siudad yo. Sankanengneng yon sasakopen na saray taga arum a bansa so dalin yo tan dederalen day amin a bengatla.

Isaias 51:17

Jerusalem, liing ka! Molagat ka tan bangon ka! Inminom kad kupa na dusa a diad pasnuk na Katawan et inter tod sikan inomen mo; ininom mo, et nampadongilngil ed sika.

Isaias 51:20

Diad suyok na balang dalan mamparogsod kapoy iray totoom; singa ra ulsan narel ed iket na umaanop. Alikna ray sulit na pasnuk na Dios.

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Jeremias 21:5

Siak a dili so onlaban ed sikayo diad intiron biskeg ko, pasnuk ko, petang na olok, tan sanuk ko.

Jeremias 34:22

Iganggan ko ra, et ompawil irad sayan siudad. Dogpaan da, dakepen da, insan da poolan. Saray baley na Juda et pagmaliwen ko ran singa kalawakan ya anggapoy manaayam. Siak, say Katawan, so nansalita.”

Jeremias 36:7

Gawam ya, ta ag la pigan mampikasi rad Katawan tan benegan day maoges a kabibilay da, lapud imbesngaw na Katawan ed sarayan totoo so mapalalon pasnuk tan sanuk tod sikara.”

Jeremias 4:27

Imbaga na Katawan a magmaliw ya andi-kakanaan so intiron mundo, balet ag to deralen a sigput.)

Jeremias 4:4

Toor yoy impisipanan yod siak a Katawan yo, tan isaklang yoy sikayon dili ed siak, sikayo ran totood Juda tan Jerusalem. No ag yo tooren, ondalang a singa apoy so pasnuk ko, lapud saray kaogsan a ginawa yo. Ondalang, et anggapoy makaerep.”

Jeremias 42:18

“Say Katawan a Dios na Israel kuanto, ‘No panoy impamasnuk kod saray totood Jerusalem, ontan met so pamasnuk kod sikayo, no onla kayod Egipto. Magmaliw kayon makapagiwgiw a nengnengen; ludlureyen kayo na saray totoo tan ikana ray ngaran yo a sakey a samba. Ag yo lan balut nanengneng yan pasen.’”

Jeremias 44:22

Diad sayan agew aderal-deral so dalin yo tan anggapoy manaayam. Nagmaliw a makapagiwgiw a nengnengen tan ikakana na saray totoo so ngaran to a sakey a samba, lapud ag la naanosan na Katawan so marotak tan maoges a gagawaen yo.

Jeremias 7:17

Ag mo ta nanenengneng so gagawaen da ed saray siudad na Juda tan saray dalan na Jerusalem?

Jeremias 7:20

Kanyan siak, say Katawan a Dios, idapok ed sayan Timplo so ontan lan pasnuk ko. Idapok ed saray totoo, saray ayayep, tan anggan diad saray kakiewan tan saray tanaman. Say pasnuk ko singa pool ya anggapoy makadepdep.

Jeremias 7:34

Magmaliw a kabueran so dalin. Pansamputen ko ray tanul na liket tan gayaga diad saray siudad na Juda tan diad saray dalan na Jerusalem tan saray maliket a tanul na bansal.

Jeremias 8:3

Saray makapaliis ed patey a totood sayan maoges a bansa a manaayam irad saray lugar ya angikaykayatan kod sikara et lablabayen da niy ompatey nen say mambilay. Siak, say Katawan a Makapanyarin-amin so nansalita.”

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Saray Tagleey 1:13

“Manlapud tagey angipelag na apoy tan pinoolan toy dalem ko. Pinatitan to ak, et nipatumba ak. Insan to ak inkaindan, tan tinaynan to ak a nanairapan.

Saray Tagleey 5:18

lapud anggapo lay onkitakitaw a too ed Palandey na Sion, tan saray asod katakelan so akar-akar lad saray deral-deral to.

Ezekiel 20:33

“Legan a siak so mabilay a Katawan a Dios, papasakbayan ta kayo a diad gaway pasnuk ko, oleyan ta kayod biskeg na taklay ko diad intiron pakayarik.

Ezekiel 20:34

Ipanengneng kod sikayoy pakayarik tan say pasnuk ko no tiponen ta kayon amin manlapud saray bansan nikayatan yo.

Ezekiel 24:13

Jerusalem, dinotakan ka na ginagawam ya immoralidad. Anggaman a sinalik a linisan ta ka, nansiansia kan marotak. Ag ka magmaliw a malinis lamet ya anggad naliknam so sulit na pasnuk ko.

Ezekiel 24:8

Intilak kod saman a pasen so dala a diman ag nasaniban, et diad ontan onsabiy pasnuk kon ombawi.”

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Ezekiel 6:12

Mansakit iray walad arawi, insan ira ompatey; saray walad asingger napatey irad bakal; saray ag napatey ed bakal ompatey irad eras. Nalikna ray amin a biskeg na pasnuk ko.

Ezekiel 8:18

Nalikna ra so biskeg na pasnuk ko. Ag ko ra pirdonaen odino kasian. Anggan oneyaeyag iran onkerew ed siak na tulong, ag ko ra dengelen.”

Daniel 9:12

Ginawam so imbagam a gawaen mod sikami tan saray manoley mi. Ag miparad arum a siudad ed tapew na dalin so impanusam ed Jerusalem,

Levitico 26:28

sumpaen ta kayod pasnuk ko tan mamimpito nin belat so iyarum ko lamet ed dusa yo lapud saray kasalanan yo.

Levitico 26:31

pagmaliwen kon aderalderal iray siudad yo, deralen ko ray pasen a panangigalangan yo, tan ag ko awaten iray bagat yo.

Nahum 1:2

Say Katawan a Dios ag to aabuloyan a walay ontalona nen say sikato; dudusaen to ray onsusumlang ed sikato. Diad gaway pasnuk to ombabawid sikara.

Zacarias 1:2

Say Katawan a Makapanyarin-amin impaibaga tod kinen Zacarias iray salita to ed saray totoo, “Siak a Katawan et mapalaloy pasnuk ko ed saray lalaki yo,

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Zacarias 7:14

Singa ak bagyon angibantak ed sikara ed saray arum a bansa a diman ira nanayam. Nagmaliw ya ataynan yan marakep a dalin, anggapoy anggan sakey ya atilak a toon manaayam.”