Jeremias 44:30 - Maung A Balita Biblia

³⁰ Ipalimak si Ari Hofra na Egipto ed saray kalaban ton malabay a mamatey ed sikato, a singa samay impangipalimak ed kinen Ari Sedekias na Juda ed kinen Ari Nabucodonosor na Babilonia a kalaban to tan malabay a mamatey ed sikato.”

Maung a Balita Biblia

³⁰ Ipalimak si Ari Hofra na Egipto ed saray kalaban ton malabay a mamatey ed sikato, a singa samay impangipalimak ed kinen Ari Sedekias na Juda ed kinen Ari Nabucodonosor na Babilonia a kalaban to tan malabay a mamatey ed sikato.

Jeremias 44:30 Iomraidhean Croise

Jeremias 27:7

Manlingkur ed sikato ray amin a bansa, tan manlingkur irad anak ton laki tan say apo ton laki, anggad isabiy panaon na kapelag na bansa ton dili. Diad satan manlingkur so bansa to ed saray makapanyarin bansa tan diad saray matalonggaring ya arari.

Jeremias 34:21

Ipadakep ko met si Ari Sedekias na Juda tan saray opisyal to ed saray malabay a mamatey ed sikara. Ipadakep ko rad saray sondalo na Babilonia a tinmonda la ran ondodogpa ed sikayo.

Jeremias 44:29

Siak, say Katawan, iter kod sikayo yan tanda a dusaen ta kayo ed sayan pasen, tan ontua so sipan kon paneral ed sikayo.

Ezekiel 30:21

Inkuanto, “Sika a toon ompatey, pinoter koy taklay na ari na Egipto. Anggapoy amerber odino angyan na sanlaoy to, pian onabig komun tan ombiskeg lamet a mangegna na ispada.

Ezekiel 31:18

“Samay kiew et say Egipto tan amin da ray totoo to. Anggan saray kiew ed Eden ag ira ontalona ed kaatagey tan karakpan to. Balet natan, singa saray kiew ed Eden, onla may kiew ed pasen a panaayaman da ray inaatey tan mikasakey ed saray maoges tan saray inaatey ed bakal. Siak so nansalita,” kuay Katawan a Dios.