Jeremias 44:21 - Maung A Balita Biblia

²¹ “Nipaakar ed saray bagat a sikayo tan saray lalaki yo, saray arari yo tan saray pangulo yo, tan saray totood bansa, ya insasaklang yod saray baley na Juda tan diad saray dalan na Jerusalem—abaloan yon ag amta o alingwanan ira na Katawan?

Maung a Balita Biblia

²¹ Nipaakar ed saray bagat a sikayo tan saray lalaki yo, saray arari yo tan saray pangulo yo, tan saray totood bansa, ya insasaklang yod saray baley na Juda tan diad saray dalan na Jerusalemabaloan yon ag amta o alingwanan ira na Katawan?

Jeremias 44:21 Iomraidhean Croise

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

Saray Salmo 79:8

Ag mo kami pa dudusaen lapud saray kasalanan da ray lalaki mi. Kasian mo kami pa natan; naandi lan amiy ilalo mi.

Isaias 64:9

kanyan, Katawan, ag mo pa kapalaloen so pasnuk mod sikami odino pagnayonen so paningil mod saray kasalanan mi. Sikami ray totoom, kasian mo kami pa.

Jeremias 11:13

Say karakel na diriyos na saray totood Juda et singa karakel na saray siudad da; tan saray karakel na saray ginagawan altar a panangisaklangan na makapaingungot iran bagat ed kinen Baal na saray taga Jerusalem et singa karakel na saray dalan ed siudad.

Jeremias 14:10

Say Katawan kuanto nipaakar ed sarayan totoo, “Inaro ra so ontaynan ed siak tan ag da pokpokan so sikaran dili. Kanyan sirin, ag ak manliket ed sikara. Nunoten ko ray maoges a ginagawa ra tan dusaen ko ra lapud saray kasalanan da.”

Jeremias 32:32

lapud amin a kaogsan a ginagawa da ray totood Juda tan Jerusalem, pati saray arari tan saray pangulo ra, saray papari ra tan saray propita ra.

Jeremias 44:17

Sumpalen mi ray amin ya imbaga min gawaen. Mangibagat kamid diosa mi, say Riyna na Tawen tan mangisaklang kamid sikato na bagat ya alak, a singa samay ginagawa mid saray baley na Juda tan diad saray dalan ed Jerusalem, ta onya met so ginagawa na lalaki mi, saray arari tan saray pangulo mi. Daakan ed saman a panaon iray kakanen mi, maaligwas kami, tan anggapo ray gunigon mi.

Jeremias 44:20

Insan inkuankod saray amin a lalaki tan saray bibiin inmebat ed siak na onman,

Jeremias 44:9

Alingwanan yo la ra may amin a kaogsan a ginagawa na saray lalaki yo, saray ararid Juda tan saray asawa ra, sikayo tan saray kaasawaan yo, diad saray baley na Juda tan diad saray daladalan na Jerusalem?

Ezekiel 16:24

diad gilig na amin a dalan nanggagawa ka na saray pasen a panangigalangan ed saray talintaoy diriyos tan piaakdulan mod saray arum a lalaki.

Oseas 7:2

Ag dan balut ninunnunot ya ag ko nalingwanan ya amin iray kaogsan da; balet aliktub ira na saray kaogsan da, tan sankanengneng ko ra.”

Amos 8:7

Say Katawan a Dios na Israel sinambaan to, “Ag kon balut nalingwanan iray maoges a gagawaen da.

Deuteronomio 32:19

“Nen anengneng na Katawan yan ginawa ra, akapasnuk tan impolisay to ray anak ton lalaki tan bibii.

Deuteronomio 32:34

“Ag nalingwanan na Katawan so ginagawa na saray kalaban da; aalagaren toy manepeg a panaon a panusa tod sikara.

Puyan 16:19

Nankatlon apisag so makapanyarin siudad, tan nagnagba ray amin a siudad ed intiron mundo. Ag akaliktar ed dusay Dios so makapanyarin Babilonia. Anunotan na Dios so Babilonia, tan pinainom to na alak, say alak na ontan lan pasnuk to.

Puyan 18:5

Ta saray kasalanan to totokdulen da lay tawen, tan ag nalingwanay Dios so kaogsan to.

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”