Jeremias 44:16 - Maung A Balita Biblia

¹⁶ “Ag mi labay a dengelen iray salitam, saray salitan imbagam ed ngaran na Katawan.

Maung a Balita Biblia

¹⁶ Ag mi labay a dengelen iray salitam, saray salitan imbagam ed ngaran na Katawan.

Jeremias 44:16 Iomraidhean Croise

Saray Salmo 2:3

“Onokpus ti lad pakaoley da,” kuanda; “ibantak ti la ray lobir ya impamalur dad sikatayo.”

Exodo 5:2

Inmebat so ari, “Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.”

Probirbio 1:24

Tinatawag ta kayo, balet ag kayo ondengel; iniimbitaan ta kayon ondago balet ag kayo mangasasikaso.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Jeremias 11:10

Pinawil da ray kasalanan na saray lalaki ran ag tinmoluk ed saray ingganggan kod sikara; angigalang irad saray arum a diriyos. Dineral na saray totood Israel tan Juda so impisipanan kod saray lalaki ra.

Jeremias 11:8

Balet ag ira dinmengel o inmonur. Ingen, balang sakey nansiansian anawet so puso to tan maoges. Ingganggan ko ran ontoluk ed sipanan, balet ag da labay so ontoluk. Kanyan inter kod sikaray amin a dusan nibagad saman a sipanan.”

Jeremias 13:10

Sarayan totoon maoges et ag ira inmonur ed siak, tan lawas anawet so puso ra tan maoges ira tan inggalang tan nanlingkur irad arum a diriyos. Kanyan sirin, magmaliw iran singa sayan potut a pantalon ya anggapo lay kana to.

Jeremias 18:18

Insan inkuan na saray totoo, “Pankokomplutan tayo lay Jeremias! Wala ray paparin mangibangat ed sikatayo, saray makabat a totoon manimbawad sikatayo, tan saray propitan mangibaga na salitay Katawan. Akusaen tayo, tan tondaan tayo lay ondengel ed ibabaga to.”

Jeremias 38:4

Insan inkuan na saray opisyal ed ari, “Nepeg a pateyen yan too. Diad pansasalita toy onya pakakapoyen toy linawa da ray sondalo tan saray arum a totoon walad dalem na siudad. Aliwan pankaabigan na karaklan so aanapen na sayan too, no ag say pakaderalan da.”

Jeremias 42:13

“Balet, sikayon akeraan ed Juda, nepeg ya onuren yo so Katawan a Dios yo. Nepeg a manayam kayod sayan dalin tan ag yo ibabaga, ‘Andi, onla kamin manayam ed Egipto, ag kami lad man nadalan na bakal odino makadngel na trumpitan panawag na bakal, odino bilang naerasan.’ Balet no ipasoot yoy onla, saya so ikuan ed sikayo na Katawan a Makapanyarin-amin a Dios na Israel, ‘No talagan labay yoy manayam ed Egipto,

Jeremias 43:2

Insan si Azarias a lakin anak nen Hosaya, si Johanan a lakin anak nen Carea, tan saray arum a mapaatagey a totoo kuandad siak, “Mantitila ka. Ag ka imbaki na Katawan a Dios mi a mangibagad sikamin ag kami manayam ed Egipto.

Jeremias 44:24

Insan imbagak ed saray amin a totoo, nagkalalo lad saray bibii, so sinalita na Katawan a Makapanyarin-amin a Dios na Israel ed saray totood Juda a manaayam ed Egipto: “Sikayo tan saray kaasawaan yo et walay sinambaan yod Riyna na Tawen. Insipan yon mangisaklang kayod sikato na saray bagat tan mangibung ed sikato na saray bagat ya alak. Tinoor yo ra yan sipan yo. Maung sirin so ginawa yo! Sumpal yo ray sipan yo! Toor yo ray sinambaan yo!

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Jeremias 8:6

Tinmalineng ak a maung, balet aliwan katwaan iray sinalita yo. Anggapoy anggan sakey ed sikayon maermen ed kaogsan to; anggapoy anggan tinmepet, ‘Antoy ginawak a kaogsan?’ Balang sakey itutuloy toy dilin kabibilay to, singa sakey a kabayon maples ya ombabatik ya onlad bakal.

Daniel 3:15

Natan sirin, karengel yod tanul na saray trumpita, kornita, arpa, lira, plauta, tan amin da ray arum a kagawaan na musika, dakmomo kayon mangigalang ed samay talintao. No ag yo labay nibantak kayon tampol ed manliub a palbaan. Dinan a dios so mangyagel ed sikayo?”

Lucas 19:14

Balet kabosul na saray dilin kabaleyan to, kanyan kasiput to, angibaki ray mangibaga, ‘Ag mi labay a manarid sikami yan too.’

Lucas 19:27

Tan nipaakar ed saramay kalaban ko ya ag da ak labay a manarid sikara: iyakar yo ra dia tan patey yo rad arap ko!’”

1 Samuel 8:19

Ag dinengel na saray totoo si Samuel. Inkuanda, “Andi! Labay miy nawalaan na ari,