Jeremias 44:1 - Maung A Balita Biblia

¹ Akisalitay Katawan ed siak nipaakar ed amin ya Israelitan manaayam ed Egipto, diad saray siudad na Migdol, Tafnes, tan Memfis, tan diad saray pasen a walad abalaten na bansa.

Maung a Balita Biblia

¹ Akisalitay Katawan ed siak nipaakar ed amin ya Israelitan manaayam ed Egipto, diad saray siudad na Migdol, Tafnes, tan Memfis, tan diad saray pasen a walad abalaten na bansa.

Jeremias 44:1 Iomraidhean Croise

Genesis 10:14

Patrus, Cuslu, tan Creta a sengeg na saray Filisteo.

Exodo 14:2

“Ibagam ed saray Israelita ya ompoliktar ira tan mankampo ra ed arap na Pihahirot, a nanleetan na Migdol tan Dayat ya Ambalanga, diad abay na Baalzefon.

Isaias 11:11

No onsabiy tan ya agew, ipakana lamet na Katawan so pakayari to, ta pasempeten to la ray totoo to ya atilak ed Asiria, Egipto, diad dalin na Patros, Sudan, Elam, Babilonia, tan Hamat, tan diad saray gilig na dayat tan diad saray isla.

Isaias 19:13

Makulang-kulang iray pangulo na Soan tan Memfis. Nepeg komun ya ipangulo day bansa, balet pinalikdo ra.

Jeremias 2:16

Saray taga Memfis tan saray taga Tafnes binetag day lapis-lapis na olo to.

Jeremias 24:8

“No panon a sarayan aliwaliwan bungay igos et ag nayari ran kanen, ontan met so gawaen ko, siak a Katawan, ed kinen Ari Sedekias na Juda, saray katambayan tod oley, tan saray arum a totood Jerusalem ya atilak ed sayan dalin odino batik ed Egipto.

Jeremias 43:13

Temeken to ray masanton bato a monuminto ed Heliopolis diad dalin na Egipto, tan poolan to ray timplo na saray diriyos na saray Egipsio.”

Jeremias 44:15

Insan amin da ray lalakin amta ran saray kaasawaan da et angibabagat irad saray arum a diriyos tan amin da ray bibiin manalalagey diman, pati saray Judion manaayam ed saray pasen a walad abalaten na Egipto—dakel iran amin ya olup—inkuandad siak,

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Jeremias 46:19

Sikayon taga Egipsio, mamparaan kayon naalan priso! Nagawan andi-kakanaan a pasen so Memfis, nagawan dera-deral tan anggapoy manayam.

Ezekiel 29:10

siak so kalaban mo tan say kalaban na Nilom. Pagmaliwen kon andi-kakanaan tan begtebegtew so intiron dalin na Egipto, manlapud siudad na Migdol diad baybay ya anggad siudad na Aswan diad abalaten, a talosen toy anggad ketegan na Sudan.

Ezekiel 29:14

insan ko ra abuloyan a manayam ed abalaten na Egipto, say gendat a panaayaman da. Manayam irad man a sakey a mugmon nanarian,

Ezekiel 30:13

Say Katawan a Dios kuanto, “Deralen ko ray talintao tan saray tila-tilan diriyos ed Memfis. Anggapo lay manoley ed Egipto, tan taktakoten kon amin iray totoo.

Ezekiel 30:14

Pagmaliwen kon begtebegtew so abalaten na Egipto tan poolan koy siudad na Zoan diad baybay. Dusaen koy manonan siudad na Tebes.

Ezekiel 30:16

Poolan ko so Egipto, tan nairapan so Pelusium. Nageba ray padir na Tebes, tan nadelap so siudad.

Ezekiel 30:18

Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.

Oseas 9:6

No onsabiy kadederal, tan nikaykayat iray totoo, tiponen ira na saray Egipsio—tiponen da ran ipompon ed Memfis! Saray kayamanan dan pilak tan saray pasen ya angiletnegan na saray abung da et natubuan ira na saray dika tan saray tanaman a masabit.