Jeremias 43:9 - Maung A Balita Biblia

⁹ “Mangala ka na pigaran ankakabaleg a bato tan ikotkot mod dalan diad arap na lolooban na paalagey na gobirno diad sayan siudad, tan abuloyan mo ray pigaran Judio ya onnengneng ed gagawaen mo.

Maung a Balita Biblia

⁹ Mangala ka na pigaran ankakabaleg a bato tan ikotkot mod dalan diad arap na lolooban na paalagey na gobirno diad sayan siudad, tan abuloyan mo ray pigaran Judio ya onnengneng ed gagawaen mo.

Jeremias 43:9 Iomraidhean Croise

2 Samuel 12:31

tan impankikimey to ray totood man diad panamegley na saray ligari, buka, balatyang, tan wasay a balatyang. Pinapasoot to ran impanggagaway ankakabaleg a laryo. Onya met so ginagawa tod saray totood arum a baley na Ammon. Insan pinmawil ed Jerusalem a kaiba to ray totoo to.

Jeremias 25:19

Saya so listaan na amin da ray arum ya inminom ed samay kupa: say ari na Egipto, saray opisyal tan saray pangulo to; amin da ray Egipsio, tan amin a sangkaili a manaayam ed Egipto; amin ya arari na dalin na Uz; amin ya arari na saray Filisteo ed saray siudad na Ascalon, Gaza, Ekron, tan say akeraan ed Asdod; amin da ray totood Edom, Moab, tan Ammon; amin ya arari na Tiro tan Sidon; amin ya arari ed saray dalin na Meditiraneo; saray siudad na Dedan, Tema, tan Buz; amin da ray totoon nampapotut na buek da; amin da ray arari ed Arabia; amin da ray kabyangay tribu a walad kalawakan; amin da ray arari ed Zimri, Elam, tan Media; amin da ray arari ed baybay, arawi may asingger, mansosoblayan ira. Nepeg ya inminom so balang bansa ed intiron mundo. Say kaonuran ya oninom et say ari na Babilonia.

Jeremias 43:10

Insan mo ibagad sikara a siak, say Katawan a Makapanyarin-amin a Dios na Israel, iyakar ko diay aripen kon Ari Nabucodonosor na Babilonia, insan to ipasen so trono to diad tapew na sayan inkotkot mon bato, tan ipaalageyan to na tulday ari.

Jeremias 43:8

Diad Tafnes say Katawan inkuantod siak,

Jeremias 44:30

Ipalimak si Ari Hofra na Egipto ed saray kalaban ton malabay a mamatey ed sikato, a singa samay impangipalimak ed kinen Ari Sedekias na Juda ed kinen Ari Nabucodonosor na Babilonia a kalaban to tan malabay a mamatey ed sikato.”

Ezekiel 4:1

Inkuan na Dios, “Sika a toon ompatey, mangala kay laryo, iyan mod arap mo, tan igulis mod tapew to so siudad na Jerusalem.

Oseas 12:10

“Akisalita ak ed saray propita tan impapanengneng kod sikaray amayamay a pasingayew, tan diad panamegley na saray propita pinapasakbayan ko ray totoo.

Nahum 3:14

Mantipon kay danum a pangiparaan mod panlakob dad sika, tan pabiskeg mo ray tirinsiram! Gatin-gatinan mo ray pitek, ta manggawa ka na saray laryo, tan iparaan mo ray pampeket ed sikara!

Saray Gawgawa 21:11

Linmad sikami, inala toy balkes nen Pablo, tan binalur to ray dilin sali tan lima to, insan inkuanto, “Niay ibabaga na Ispiritu Santo: Say makanbalkes ed saya baluren a singa onya na saray Judio ed Jerusalem, tan ipalima rad saray Hintil.”

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!