Jeremias 43:7 - Maung A Balita Biblia

⁷ Ag da inonur so ganggan na Katawan tan linma rad Egipto ya anggad siudad na Tafnes.

Maung a Balita Biblia

⁷ Ag da inonur so ganggan na Katawan tan linma rad Egipto ya anggad siudad na Tafnes.

Jeremias 43:7 Iomraidhean Croise

2 Saray Arari 25:26

Insan tinmaynan tan linmad Egipto iray amin ya Israelita, mayaman may mairap-bilay, pati saray opisyal na sondalo, lapud antakot irad saray taga Babilonia.

2 Saray Awaran 25:16

Tinepet nen Amasias, “Kapigan lay impanggawa mid sikan sumisimbawa na ari? Tonda ka lan mansalita, ta no andi papatey ta ka!” Tinmonda may propita kayari ton inkuan, “Amtak la natan a ginetma lay Dios a deralen to ka, lapud ginawam ira yan amin tan ag mo dinengel so simbawak.”

Isaias 30:2

Oonla rad Egipto ya onkerew na tulong balet ag ira kinmerew ed siak na simbawa. Labay dan iyagel ira na Egipto, kanyan nanmatalek ira ed ari na Egipto.

Isaias 30:4

Anggaman ya akasabi lad saray siudad na Soan tan Hanes na Egipto iray opisyal ya imbaki na Juda,

Jeremias 2:16

Saray taga Memfis tan saray taga Tafnes binetag day lapis-lapis na olo to.

Jeremias 41:17

Insan ira sinmiput ya onlad Egipto. Tinmonda ran agano ed Kimham ya asingger ed Betlehem. Ginetma ray onla ed Egipto,

Jeremias 42:21

Natan imbagak ed sikayo so papaibaga na Katawan, balet ag yo oonuren ya amiy bengatlan papaibagad siak na Katawan a Dios tayo ed sikayo.

Jeremias 44:1

Akisalitay Katawan ed siak nipaakar ed amin ya Israelitan manaayam ed Egipto, diad saray siudad na Migdol, Tafnes, tan Memfis, tan diad saray pasen a walad abalaten na bansa.

Jeremias 44:24

Insan imbagak ed saray amin a totoo, nagkalalo lad saray bibii, so sinalita na Katawan a Makapanyarin-amin a Dios na Israel ed saray totood Juda a manaayam ed Egipto: “Sikayo tan saray kaasawaan yo et walay sinambaan yod Riyna na Tawen. Insipan yon mangisaklang kayod sikato na saray bagat tan mangibung ed sikato na saray bagat ya alak. Tinoor yo ra yan sipan yo. Maung sirin so ginawa yo! Sumpal yo ray sipan yo! Toor yo ray sinambaan yo!

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Ezekiel 30:18

Nakobutan na bilonget so Tafnes no ekalan koy pakayari so Egipto tan panganggaen koy biskeg ya ikikinon na saray totoo to. Nakobutan na lorem so Egipto, tan nadakep ya amin iray totoo ed saray siudad to.