Jeremias 43:11 - Maung A Balita Biblia

¹¹ Onsabiy Nabucodonosor tan taloen toy Egipto. Saray asintinsiaan lan ompatey ed salot ompatey irad salot; saray asintinsiaan lan naalan priso naala ran priso; tan saray asintinsiaan lan ompatey ed bakal ompatey irad bakal.

Maung a Balita Biblia

¹¹ Onsabiy Nabucodonosor tan taloen toy Egipto. Saray asintinsiaan lan ompatey ed salot ompatey irad salot; saray asintinsiaan lan naalan priso naala ran priso; tan saray asintinsiaan lan ompatey ed bakal ompatey irad bakal.

Jeremias 43:11 Iomraidhean Croise

Say Libro nen Job 20:29

Sikato yay pansumpalan na saray totoon maoges, say pansumpalan ya ipabetang na Dios ed sikara.”

Jeremias 15:2

No tepeten dad sika no iner so laen da, ibagam ed sikara a nibagak la: Saray arum ompatey irad salot— diman so laen da! Saray arum ompatey irad bakal— diman so laen da! Saray arum ompatey irad eras— diman so laen da! Saray arum nadakep ira— diman so laen da!

Jeremias 25:15

Say Katawan a Dios na Israel inkuantod siak, “Nia so kupa na alak a napnoy pasnuk ko. Alam ta ipainom mod saray bansan pangibakian kod sika.

Jeremias 25:19

Saya so listaan na amin da ray arum ya inminom ed samay kupa: say ari na Egipto, saray opisyal tan saray pangulo to; amin da ray Egipsio, tan amin a sangkaili a manaayam ed Egipto; amin ya arari na dalin na Uz; amin ya arari na saray Filisteo ed saray siudad na Ascalon, Gaza, Ekron, tan say akeraan ed Asdod; amin da ray totood Edom, Moab, tan Ammon; amin ya arari na Tiro tan Sidon; amin ya arari ed saray dalin na Meditiraneo; saray siudad na Dedan, Tema, tan Buz; amin da ray totoon nampapotut na buek da; amin da ray arari ed Arabia; amin da ray kabyangay tribu a walad kalawakan; amin da ray arari ed Zimri, Elam, tan Media; amin da ray arari ed baybay, arawi may asingger, mansosoblayan ira. Nepeg ya inminom so balang bansa ed intiron mundo. Say kaonuran ya oninom et say ari na Babilonia.

Jeremias 42:22

Kanyan sirin, tandaan yo ya: ompatey kayod bakal, odino eras, odino salot ed dalin a labay yon laen tan panayaman.”

Jeremias 44:12

Andi-saew a deralen kon amin iray akeraan a totood Juda tan talagan labay day manayam ed Egipto. Amin da, abeba may atagey so kipapasen, ompatey irad bakal odino eras diad Egipto. Magmaliw iran makapagiwgiw a nengnengen; ludlureyen ira na saray totoo tan ikana ray ngaran da a sakey a samba.

Jeremias 44:13

Dusaen ko ra may manaayam ed Egipto a singa impanusak ed Jerusalem; dusaen ko ra diad panamegley na bakal, eras, tan salot.

Ezekiel 29:11

Anggapoy too odino ayep a manakar-akar ed saman a dalin. Apataploy taon ya anggapoy manayam diman.

Ezekiel 5:12

Ompatey ed sakit tan eras so kakatlo na totoom ed siudad; napatey ed paway na siudad diad panamegley na ispada so kakatlo na totoom; tan itaytayak ko rad inerman a pasen, insan ko osilan na ispada so arum a kakatlo na totoom.

Zacarias 11:9

Insan inkuankod saray karniro, “Aliwa lan siak so pumapastol yo. Ompatey la ray nepeg ya ompatey ed sikayo, tan naderal la ray nepeg a naderal ed sikayo. Mandederalan iray amin a makapaliis ed patey.”

Puyan 13:10

Siopamay niganan nadakep, nadakep a tua. Siopamay niganan ompatey diad panamegley na ispada, ompatey a tua diad panamegley na ispada. Kanyan saray totooy Dios nakaukolan a mananos tan manisia ra.”