Jeremias 41:1 - Maung A Balita Biblia

¹ Nen kumapiton bulan, si Ismael a lakin anak nen Natanias tan apo nen Elisama, tan sakey a kabyangay pamilya na ari, linmad Mizpa a kaiba to ray samploran lalaki, ta nengnengen day Gobirnador Gedalias. Nen wala rad Mizpa tan mandorongo ra,

Maung a Balita Biblia

¹ Nen kumapiton bulan, si Ismael a lakin anak nen Natanias tan apo nen Elisama, tan sakey a kabyangay pamilya na ari, linmad Mizpa a kaiba to ray samploran lalaki, ta nengnengen day Gobirnador Gedalias. Nen wala rad Mizpa tan mandorongo ra,

Jeremias 41:1 Iomraidhean Croise

2 Samuel 3:27

Kasabi nen Abner ed Hebron, impaliis nen Joab ed puirta tan konwarin pitongtongan to, balet ta sinaksak tod eges. Kanyan apatey si Abner lapud pinatey toy Asael ya agi nen Joab.

2 Saray Arari 11:1

Kadngel nen Atalia ya ina nen Ari Ahazia ed impamatey ed anak to, impapatey ton amin iray kabyangay pamilya na ari.

2 Saray Arari 25:22

Impagmaliw nen Ari Nabucodonosor na Babilonia si Gedalias a lakin anak nen Ahican tan apo nen Safan a gobirnador na dalin na Juda, tan impasen ton makaoley ed amin da ray totoon ag niakar ed Babilonia.

2 Saray Arari 25:25

Balet diad kumapiton bulan na saman met lamlamang a taon, si Ismael a lakin anak nen Netanias tan apo nen Elisama tan kabyangan na pamilyay ari et linmad Mizpa a kaiba to ray samploran lalaki, dinogpaan day Gedalias tan pinatey da. Pinatey da met iray Israelita tan saray taga Babilonia a kakaiba nen Gedalias.

2 Saray Awaran 22:10

Kadngel nen Atalia ya ina nen Ari Ahazia ed impamatey ed anak to, impapatey ton amin iray kabyangay pamilya na ari na Juda.

Saray Salmo 109:5

Maoges so ibabales dad siak anta kamaungan so gagawaen kod sikara, tan bosul so ibabales dad panangarok.

Saray Salmo 41:9

Anggan say sankaasinggeran a kaarok, samay pampipiaan kon maung, samay mimikan ed siak, et nantraidoran to ak.

Probirbio 13:10

Say panagpaatagey panlalapwan na gunigon. Magmaung niy onkerew na simbawa.

Probirbio 27:4

Maruksa tan makaderal so pasnuk, balet ag nayarin ipara ed imon.

Jeremias 36:12

Insan linmay Micaya ed palasioy ari, diad kuarto na samay sikritario na ari, a dimay panmimitingan na amin da ray opisyal. Wadman ira di Elisama a sumisimbawa na ari, Delaya a lakin anak nen Semaya, Elnatan a lakin anak nen Acbor, Gemarias a lakin anak nen Safan, Sedekias a lakin anak nen Hananias tan saray arum ya opisyal.

Jeremias 36:20

Inyan na saramay opisyal imay nilokut a babasaen ed kuarto nen Elisama a sikritario na ari, tan linma rad patio na ari tan diman da imbagad ari iray amin a bengatla.

Jeremias 39:14

et impaala da ak ed patio na palasio. Impaasikaso da ak ed kinen Gedalias a lakin anak nen Ahicam tan apo nen Safan. Insempet to ak la sirin ed abung. Akilimug-limug ak sirin ed saray totood man.

Jeremias 40:13

Kayari to ya, si Johanan a lakin anak nen Carea tan saray pangulo na saray sondalo ya ag sinmuko et linma rad kinen Gedalias diad Mizpa

Jeremias 40:5

Nen ag ak onebat, inkuanen Nebuzaradan ed siak, “Pawil kad kinen Gedalias, a lakin anak nen Ahicam tan apo nen Safan, a sikatoy impagmaliw na ari na Babilonia a gobirnador na saray baley na Juda. Nayarian moy manayam ed sikato a kalimug mo ray totood man, odino onla ka ed inerman a pasen a labay mo.” Initdan to ak na rigalo tan say nakan ya awiten ko, insan to ak la pinasiput.

Jeremias 40:6

Linma ak ya akiayam ed kinen Gedalias diad Mizpa tan akilimug-limug ak ed saray totoon atilak ed dalin na Juda.

Jeremias 40:7

Wala ray pigaran ag sinmukon opisyal tan sondalo na Juda. Nadngelan da a say ari na Babilonia et ginawa ton gobirnador na dalin si Gedalias a lakin anak nen Ahicam tan impasen ton makaoley ed amin da ray ag niakar a priso ed Babilonia, salanti saray sankamairapay bilay ed dalin.

Jeremias 40:8

Kanyan nila ra si Gedalias ed Mizpa. Saray linma et di Ismael a lakin anak nen Natanias, Johanan a lakin anak nen Carea, Seraya a lakin anak nen Tanhumat, saray lalakin anak nen Efai a taga Metofat, tan Jezanias a taga Maaca.

Ezekiel 17:13

Inala toy sakey a kabyangan na pamilya na ari, akipakna ed sikato, tan impansamba ton matoor ya ontoluk. Inawit to ray manonan totoo

Juan 13:18

“Aliwan para sikayon amin yan ibabagak; amtak iray pinilik. Balet nepeg a nasumpal so ibabagay Masanton Sulat, ‘Dinepakan ak na mimikan ed siak.’