Jeremias 40:9 - Maung A Balita Biblia

⁹ Inkuanen Gedalias ed sikara, “Isipasipan kod sikayo ya anggapoy nepeg yon takotan diad isuko yod saray taga Babilonia. Manayam kayod sayan dalin tan panlingkuran yoy ari na Babilonia, et maung so pansumpalan yo.

Maung a Balita Biblia

⁹ Inkuanen Gedalias ed sikara, Isipasipan kod sikayo ya anggapoy nepeg yon takotan diad isuko yod saray taga Babilonia. Manayam kayod sayan dalin tan panlingkuran yoy ari na Babilonia, et maung so pansumpalan yo.

Jeremias 40:9 Iomraidhean Croise

Genesis 49:15

Balet nanenengneng ton maung a pasen so pampapainawaan to Tan makaroyroyo so dalin. Ipaparaan toy takeb ton manakbat Tan sikatoy napapasoot a mankimey a sakey ya aripen.

2 Saray Arari 25:24

Inkuanen Gedalias ed sikara, “Sambaan kod sikayo ya anggapoy nepeg yon takotan ed saray opisyal a taga Babilonia. Manayam kayod sayan dalin, manlingkur kayo ed ari na Babilonia, et maung ya amin so pansumpalan yo.”

Saray Salmo 128:2

Pambilay moy bunga na nanlingetan mo; manliket tan onaligwas ka.

Saray Salmo 37:3

Manmatalek kad Katawan tan manggawa kay kamaungan; manayam kad dalin tan arawi kad kaatapan.

Jeremias 27:11

Balet no onsuko so sakey a bansa ed ari na Babilonia tan panlingkuran to, abuloyan kod satan a manayam ed dilin dalin to, dalusan to, tan panayaman to. Siak, say Katawan, so nansalita.”

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Saray Tagleey 5:9

Ipupusta miy bilay mi kapag mananap kamiy napambilay; lapud akar-akar ed kaalogan iray managpatey na too.